UK Prime Minister Boris Johnson-a’n hapta nga chhung parliament suspend a tum chu supreme court in dan kalh a ni tiin a hnawl.

0
52
views

Court hian October ni 31-a UK in European Union chhuahsan a tumna vuakvetah parliament \hiah lailawk chu dan kalh a ni a ti a, Supreme Court president Lady Hale chuan chhan \ha tawk awm lova parliament hna thawk thei lova siam chu dan kalh a ni a ti.

Common Speaker John Bercow chuan Supreme Court thutlukna hi lawmawm a tih thu sawiin, parliament \hutkhawm koh thuai a ni ang a ti.

Prime Minister Boris Johnson-a hian thlawptu a ngah tawk loh avang leh parliament-ah a thu a tlang theih loh avangin UK in European Union chhuahsan a tum hun bi tiam October ni 31 thlir chungin Parliament hi a suspend a, Prime Minsiter hian hapta 5 chhunga parliament suspend hi sorkar kal chhoh zel dan tur ruahmanna siamremna hun tur a ni ti mahse, Supreme Court chuan UK in EU chhuahsan a tumna Brexit chungchanga parliament thuneihna laksak tumna a ni tih a nemnghet a, Prime Minsiter hmalak dan tu dan kalh a ni tih a puang a ni.