Daily Telegraph in a kawmna ah General Mark Carleton-Smith chuan Britain tana Russia hlauhawm dan chu hmuh hmaih rual a ni lo a, Russia chuan midangte chak lohna an hmuh remchan apiang chu beihzuina atan an hmang nghal chat chat zel a ni a ti. UK hian Salisburi-a tura inhraina thubuaiah leh cyber lama inbeihna tam takah Russia hi a mawhphurtuah a puh a ni. March thla khan Russia spy hlui Sergei Skripal leh a fanu te chu tura hrai an ni a, a hnuah kum44 mi Dawn Stugess pawh hrai a ni leh a, ani phei hi chuan a thihpui a ni. Russia thung chuan tura inhrai chungchangah hian a inrawlh lo niin a sawi ve thung a, cyber lama inbeihna pawh thu phuahchawp leh behchhan awm lo a ni a ti ve thung.
