UN-in 2017 chhungin mipat hmeichhiatna thila dik lo taka tih chingpen thubuai 138 dawng

0
478
views

United Nations in nikum chhung khan mipat hmeichhiatna thila dik lo taka tih chingpen thubuai 138 a dawng a, heng zinga a zatve zet chu UN Peacekeeping Mission laka thehluh a ni. Secretary General Antonio Guterres chuan report a\anga a lan danin hetianga mipat hmeichhiat thila khawih chingpen thubuai thehluh zinga 62 te chu Peacekeeping Mission 10 te laka siam a nih thu a sawi a, hetihlai hian Central African Republic-a MIUSCA Mission laka thubuai lut 2016-a 52 chu nikumah chuan 19 ah a tlahniam a ni. Secretary General Guterres hian hetianga dan bawhchhiaa che te lakah hian khauh taka hmalak a nih tur thu sawiin, UN Peacekeeping Mission tum ber chu rambuai-a civil mi, \anpui ngaite \anpui a nih avangin UN Flag hnuaia thawktute zingah tumahin mipat hmeichhiatna lam hawia pawi an khawih a rem lo a ni a ti.