Pakistan Tehreed-i-Insaf hotu Imran Khan phekhawkin vawm

0
486
views

Pakistan Tehreed-i-Insaf hotu Imran Khan chu Punjab Province Gujrat khawpuia thu a sawi laiin, pheikhawka vawm a ni. Imran Khan hian motor chung a\angin mipui pungkhawmte hmaah thu a sawi a, pheikhawk rawn thlawk hian Imran Khan-a sir chiaha ding PTI hotu dang Aleem Khan a fuh a, a vawmtu hi mipuiten an man bet nghal a ni. Hapta khat liamta chhungin Politician te hetianga beihna \um thum Pakistan ah hian a thleng tawh a, Pathianni khan Islamic Seminary zirlai chuan Prime Minister hlui Nawaz Sharif chu pheikhawk bawkin a lo vawm tawh a, Inrinni kalta khan Foreign Minister Khwaja Asif chu pentui in a hmaiah a lo theh tawh bawk.