Ministry thuneitute chuan Fast Track Court-te hi hmeichhia leh naupang pawngsual thubuai chinfel loh la awmte ngaihtuahna atan hman a ni dawn tih an sawi a, a thawh khatna atan state 9-ah Court 777 siam a nih tur thu leh a thawh hnihna-ah court dang 246 siam belh a nih tur thu leh a vaia sum sen tum zat chu vbc 767.25 a nih thu an sawi bawk a ni. Fast Track Court siam bakah hian Women and Child Development chuan Home Affairs thurawn angin State hrang hrang Forensic Science Laboratory thuam \hatna tur bungraw hrang hrang, vbc 107.19 man lei thar a nih bakah rel chawlhhmun 50-ah CCTV dah thar a nih tur thu an sawi bawk a, hengte hi hmeichhia-te him zawkna tura ruahman a nih thu an sawi bawk a ni. Nirbhaya Fund hi kum 2013 a\ang khan hman \an a ni a, hmeichhiate himna kawnga sorkar leh NGO hrang hrangte hmalakna \anpuina tur sum dah hran \hin a ni.
