United Kingdom chuan Swiss damdawi siamtu Roche Holding AG chu COVID-19 antibody test-na dik tak lei turin an be mek.

0
513
views

Antibody test maktaduai chuang hman hi ram hrang hrangten an tum mek a, an ram economy tlachhe lutuk tur ven nana inkharkhip hawn leh vat theih nan a ni.

Deputy chief medical officer, Jonathan Van-Tam chuan Roche test hi test na tha tak a nia, hmalam panna kawnga min puitu tha tak a ni a ti. Hman theih a nih thuai a beisei thu leh hman theih a nih hunah National Health Service ten damlo enkawltute an hman hmasak tir a beisei tih a sawi bawk.

Prime Minister Boris Johnson a thupuangtu chuan Roche test chu hmasawnna pawimawh tak a ni a, hrileng enkawlna thlak danglamtu a ni thei a ni a ti.

Roche hian UK hman turin test kit hi kar khatah sangkhat vel an pe chhuak thei tih an sawi a, Germany in tun thla ah maktaduai 3 an dawng anga, June tla ral hunah maktaduai 5 an dawng ang a ti.