United Nations Higher Commissioner for Human Rights-in J&K chungchang report a pek danah India a lungawi lo hle

0
391
views

United Nations Higher Commissioner for Human Rights-in J&K chungchang report a pek danah India a lungawi lo hle. OHCHR chuan J&K-a mihring dikna leh chanvo, India leh Pakistan ten an rahbeh dan chhui chiang turin an duh ang phalna an hmu kim thei lo niin a sawi a, kum 2016 July thlaa Hizbul Mujahideen pawl hruaitu, Burhan Wani thah a nih hnua buaina chhuak leh thil dang nghawng a neihte chu ram pahnihte sawi dan a inan loh thu leh Kashmir tlawh an dilna India sorkarin a hnawl thu leh, Pakistan lam chuan India-in rem a tih hnuah chauh an remtih ve tur thu an sawi vangin, ral a\ang chauha thil awmdan an zir theih thu an sawi bawk a, sorkar laipuiin buaina chhuah \hinna hmuna dan bik a siam AFSPA leh J&K Public Safety Act te chuan dan leh hrai pangngai nasa taka a nghawng bakah mihring dikna leh chanvo dinhmun siam \hat a ti harsa hle niin a sawi bawk a ni.

UN Report hi Ministry of External Affairs chuan a sawisel nasa hle a, ram zahawmna a palzut bakah thu dik tawk lo a thehdarh a ni a tia, Jammu and Kashmir pum chu India ta a nih thu leh, Pakistan-in tharum hmanga a awp, vawi tam tak chhuahsan tura a lo tih tawh a nih thu te, India ram bung dik lo taka sawifiah tum a nih thu te leh Azad Jammu and Kashmir tih te leh Gilgit-Baltistan tih te chu hmun awm tak tak ni lo a nih thu uar takin a sawi bawk a, UN report hian ramri kâna a firfiak zawnga Pakistan a chet dan a hmaih bakah, UN ngeiin mi firfiak pawla a puan tawh te pawh, ralthuam lek \hin pawl anga a sawi te leh mi firfiak langsar tak tak \henkhat, eng emaw pawl hotu anga a chhuah chu hriatthiam theih a nih loh thu te a sawi bawk a ni.