Infiamna khawvela ngaihhlut hlawh leh khawvel mipui te nghahhleh 2018 Fifa World Cup chu zaninah tan a ni dawn ta

0
1497
views

Infiamna khawvela ngaihhlut hlawh leh khawvel mipui te nghahhleh 2018 Fifa World Cup chu zaninah \an a ni dawn ta a, Moscow khawpui Luzhniki Stadium-ah hawnna inkhawm neih zawh veleh a thlengtu Russia leh Soudi Arabia te an inkhel hmasa ber ang.

Football inelna ropui ber pakhatah hian champion lai Germany tiamin ram 32 an inel dawn a, game 64 a awm ang a, ni 32 chhung khelh a ni ang. World Cup hi khawpui 11-a stadium 12 ah khelh a ni dawn a, Kum 2014 final ah khan Argentina hnehin Germany an champion a ni. Seeded team ah Germany, Brazil, Portugal, Argentina, Belgium, Poland leh France te bakah a thlengtu Russia te an awm a, a thlengtu Russia hi Fifa World Ranking ah chuan 70-na an ni mek a ni. World Cup vawi 8 an khelh tawha vawi khat chiah la champion England leh kum 2010 champion Spain te chu seeded ah dah an ni lo thung.

Thla khat zet awh tur World Cup en tur hian mi maktaduai telin Russia an pan a, TV kaltlangin khawvel mipui Tld. 3 chuangin an thlir dawn a ni. Ram hrang hrang te hi Group 8 ah \hen an ni a, Group tinah team 4 zel dah an ni a, point hmu sang pahnih \heuhin round of 16 an lut ang. Final chu mi sing 8 sang 1 zet lenna Luzhniki Stadium ah July ni 15 khian khelh a ni ang.