United State leh Taliban helpawl hruaitute chu October thla tawp khian Qatar-ah an inbe dawn.

0
510
views

Ruahman dan chuan he inbiaknaah hian kum 18 chhunga Afghanistan-a indona awm tawh tihreh dan tur an sawi dawn a ni. Thawh\anni khan US President Donald Trump chuan, Taliban helpawl nen inbiak tura indawrna kal mekah inremna mumal awm lovin indawrna tihtawp a ni tih a lo sawi tawh a, Taliban chu a thinlungah a thi tawh tih sawiin, kar kaltaa America sipai 12 Taliban helpawl-in an thah chungchangah Taliban chu na takin a dem bawk.

Trump chuan US leh Taliban indawrnaah chan \ha zawk an chan theih nan mi thah pawisa lohah Taliban chu a puh a, hetianga thil tih hi a hriatpuina hnuaiah chuan a theih ve loh tih sawiin, inbiakna neih chhunzawm a tum tawh loh thu a sawi a ni.

He thu a sawi zawh hnuah inbiakna nei leh tura ruahmanna a siam chuan Taliban hruaitute a \hawng hle a, Taliban thupuangtu Suhail Shaheen sawi danin, inbiakna nei tawh lo tura thuthlukna an siam hnua Trump-a’n inbiak a duh thu a sawi leh chu mak an ti hle a ni.

Shaheen chuan US leh Taliban indawrnaah Taliban ram chhunga inkahna tihtawp chu a tel ve lo nia sawiin, ram dang sipaite an inhnuh dawh hnuah Afghan chhunga hun lo la awm tura thil tih dan tur ram chhung thuneitute nena sawiho erawh \ha an ti niin a sawi bawk.