United States-in China chu Tibetan mi Panchen Lama, kum 25 kaltaa Dalai Lama aiawhtu tura an tih chu chhuah zalen turin a ti.

0
35
views

Kum 1995, May ni 14 khan Dalai Lama, Nobel Prize pawh lo dawng tawh chuan mipa naupang kum 6 mi Gedhun Choekyi Nyima chu Tibetan Buddhism school-a an hotu lu ber dawttu Panchen Lama rawn piang nawn lehah a pawm a, ni thum hnuah mipa naupang hi thuneituten enkawl turin an la a, a chanchin hriat zui tur a awm lo a ni.

International religious freedom ambassador, Sam Brownback chuan China thuneitute chu Panchen Lama chhuah zalen tur leh a awmna sawi turin an nawr tih a sawi a, Chinese Communist Party-in Pope thar ruat turin thuneihna an nei lo ang bawkin Dalai Lama thar ruat tur hian thuneihna an nei lo a ni a ti.

China-in a thu-a Panchen Lama a ruat hi mipui hmaah a lo inlan zeuh zeuh tawh a, amaherawhchu, Tibetan tam takin Panchen Lama hi an hre lo a ni.

A chanchin hriat tur vang tak Panchen Lama hi pro-Beijing thuneitute chuan kum 2015 khan a hrisel \haa, lehkha zir a ngainaa, tihbuai a duh lo niin a chanchin an lo sawi tawh a ni.