A fa lak, hmeichhe naupang kum 3 mi thattu Wesley Mathews hian a fanu thihnaah mawh a phur ngei tih court hmaah a puang a, a fa lak, Sherin Mathews hi Texas-a an chenna in a\angin kum 2017 October thla khan a bo nia report a ni a, Mathews-a hian a tirah chuan a fanu hian bawnghnute a in duh loh vanga hremin pawnah a awmtir niin a sawi. Hapta hnih ral hnuah hmeichhe naupang ruang hi tui chhe paihna bulah hmuh a ni a, hetah hian a fa lak hi a tum reng vang ni lovin bawnghnute a hak avangin a thi niin a sawi a. Police te chuan thu an zawhfiah laiin Mathews-a hian a thu a thlak fo tih an sawi.
Prosecutor Sherre Thomas chuan hmeichhe naupang thih dan hi bawhnute hak vang emaw a ni lo tih a sawi thung a, kum 2017 October thlaah khan hmeichhe naupang hi thah ngei a ni a ti. 2016-ah Mathews hian Sherin-i hi India a\angin fa atan a la a ni. He thil kaihhnawihah hian India chuan naupang fa lak turte buaipuitu Holt International chu a khar nghal a ni.
