US Coast Guard lieutenant leh white nationalist-a inchhal, politician te leh journalist te laka tharum thawha beih tumtu Christopher Paul Hasson-a chu man a ni.

0
366
views

Kum 2016 a\anga Washington US Coast Guard headquaters-a thawk, Hasson hi dan loa ralthuam leh ruihhlo a kawl vangin an man a, Federal investigator te’n a chenna in Maryland-ah ralthuam 15 leh silaimu 1,000 chuang a khawl te chu an hmuhchhuak a, Maryland-a US District Court-ah Christopher Paul Hasson-a chuan US chu mi ngo te chauh chenna-a siam tura chet a tum thu a sawi. Hasson hian chet chhuah ni ruat bik a neih thu a sawi lo a, kum 2017 vel a\ang khan ralthuam hi a khawl chho \an thawh a, a mi thah tum a ziahchhuahah hian House Speaker Nancy Pelosi hming pawh a chuang a, internetah heng a tihhlum tumte kahhlumna hmun remchang te a zawng \hin tih hriat chhuah a ni bawk. Sorkar chuan Hasson hi mifirfiak, mipui pawisawilote thah tumtu anih avang leh sorkar kalphung tihbuai tumtu anih avangin a chungthu relfel a nih hma chu lung ina hreng turin court ah a dil a. Hasson hi Greenbelt-a federal courtah Ningani khian a inlan leh ang.