America khawthlang lamah khua a vawt zual hle a, temperature hi celcius degree -3 te a ni a, Chicago-ah phei chuan rel tlanna track-a thir te chu khaw vawt lutuk vangin a tliah mai a hlauhthawnawm a, transport operator Metra-te chuan rel tlanna track hi an hal lum hial a, rel kawng innghahna bulah khawnvar tui-a chiah hruizen phahin an hal a, hei hian khawvawh vanga rel kawng thir sawng te chu tilumin, ngai a awhtir a ni. Metra chuan track alh laia rel tlan chu a him tih an sawi.
Khaw vawt lutuk vang hian mi 5 vel an thi tawh tih report a ni a, mi rethei chenna in nei lo te dinhmun a hlauhawm zual a, pawl \henkhat chuan heng mi rethei te humhim tumin puan lum leh thawmhnaw te an khawn khawm a ni. Chenna nei lo mi retheite hi puan in kaihin an awm mai \hin a, hetianga an awm khawmna hmun pakhatah chuan kangmei a chhuah avangin chenna tur nei lovin an mangang hle a, mipakhat a hming inthup chuan heng mi 70 vel te tan hian hotel-a an awmna tur pawisa a pe a, he mipakhat thil tih hian fak a hlawh nasa hle.
