US-in indo puangah N.Korea-in puh

0
352
views

North Korea Foreign Minister, Ri Yong Ho-a’n US President, Donald Trump-a chu North Korea laka indona puangah puhin, US indo thlawhnate kah thlakah a vau a, US indo thlawhnate hi North Korea chung boruaka an thlawh loh pawhin an kap thla tho dawn niin a sawi. North Korea Foreign Minister hian New York-a a thlenna hotel kawta thuthar lakhawmtute hmaah he thu hi a sawi a, President Trump-a’n North Korea lakah indo a puang nia sawiin, indo puang hmasatu chu US a ni tih khawvelin hria se a duh thu leh, tunah chuan US sipaite hi North Korea sipaiten an beih a thiang tawh niin a sawi a, Korea ram leh a chhehvela thlawk \hin, US indo thlawhnate pawh an kap thla thei niin a sawi a, an ram chungah thlawk kher lo mah se, an kap thla thei ta niin a sawi. Kar kaltaa UN General Assembly \hutkhawmna-ah khan US President chuan North Korea chu America leh a thurualpui ramte dinhmun tiderthawng zawnga a chet vaih chuan na taka beih leta tihchhiatah a vau a, North Korea ram hruaitu, Kim Jong Un-a chu ‘Rocket Man’ tia ko nawmnahin, boralna kawng a zawh mek niin a sawi a, US ram danpuiah chuan ram rorel khawl, Congress chauhin indona puang thei mah se, Ri Yong Ho-a chuan President Trump-a hi North Korea laka indo puangah a puh a ni. China Foreign Ministry chuan vawiin khan Korea ram leh a chhehvela buainaah hian hnehna chang an awm thei dawn lo niin a sawi a, \awngkaa US leh North Korea sorkar-te inbeihna hian buaina chinfel a ti harsa telh telh dawn niin a sawi bawk.