US-in Pakistan  tanpuina tur sum US Dollar mtd 300 a dah hran tawh chu a a firfiaka che thin pawlte do kawnga an beisei anga hna a thawh loh vangin sut leh a ni tih inrinni khan a puang a, Pakistan lam an lungawi lo hle.

Pakistan Foreign Minister Shah Mehmood Qureshi chuan vawiin khan dollar mtd 300 hi \anpuina sum a nih loh thu leh a firfiaka chetna kawnga an sum sen, US-in a rulh let tur a nih zawk thu a sawi a, nilaini-a an ram tlawha zin tur, US Secretary of State Mike Pompeo hnena lo thlen ngei a tum thu a sawi bawk a ni. Quershi hian a firfiaka chetna do kawngah Pakistan-in US sum a hman ngai loh thu leh anmahni pawisa an hman \hin zawk thu leh an senso hi US hian a rul let \hin niin a sawi a, tuna US-in dollar mtd 300 a sut leh tak pawh hi anmahni pawisa, an sen ral tawh a la rulh loh a nih zawk thu a sawi a, US hian a rul let duh lo zawk niin a sawi bawk a ni.