US in Steel leh Aluminium a lakluh a\anga chhiah a tihpun chu a taka hman \an a nih tak avangin ram dang ten nasa takin an sawisel. European Union, Canada leh Mexico ten nasa taka an sawiselna chu Republican Party hotu \henkhat pawhin an \awmpui thu an sawi chhuak a, ram dang hruaitu \henkhat chuan US thil tih dan chu ha aiah ha tia chhanlet ve an tum thu an sawi. France President chuan US President Donald Trump-a biain US thil tih dan chu dan kalh a ni a ti a, Emmanuel Macron hian European Union in US thil tih dan chu a \ul angin a chhanglet dawn tih Donald Trump hi a hrilh a ni. Trump-a hian a hmalakna hi \anin, US-a Steel leh Aluminum siamchhuaktute ram venhimna kawnga dinhmun pawimawh luahtu an nih avangin khawvel ram dang a\anga steel leh aluminium lakluh tam lutuk chuan harsatna a siamsak a ni a ti. Hetianga Trump-a \anna hi Canada Prime Minister Justin Trudeau chuan a pawm loh thu sawi nghalin, Canada chu US tana hlauhawm thei anga sawina chu thil pawm theih a ni lo a ti ve nghal bawk. UK International Trade Secretary Liam Fox chuan steel lakluh a\anga chhiah zaa 25 lak chu thil kawng hmang lo a ni a ti a, sumdawnna kawnga indona nasa tak a chawk chhuak ang tih a hlauhthawn thu a sawi. UK-a Steel sumdawnna lama an hotu Gareth Stace chuan US chhiah lak dan chu \hian \ha ramte laka chet dan tur a ni lo a ti a, Germany Economy Minister Peter Altmaier chuan US thil tih dan chungchangah European Union in hma a lak a beisei thu sawiin, Europe ram chuan Canada leh Mexico te a thawhpui a \ul mai dawn a ni a ti. Republican lam mi, House Speaker Paul Ryan pawhin Trump a hmalakna chu \ha a tih loh thu sawi chhuakin, US \hian \ha ram hrang hrang te chuan China in dik chiah lova sumdawnna a kalpui mekte an do ho zawk tur a ni a ti. US hian ram dang atanga Steel a lakluhah chhiah zaa 25 leh aluminum ah zaa 10 a la a ni.
Chanchin Thar US in Steel leh Aluminium a lakluh atanga chhiah a tihpun chu...
