US-in Steel leh Aluminium atanga chhiah lak tihsan tum, Canada leh Europe lungawi lo

0
584
views

US in Steel leh Aluminium a chawk luh atanga chhiah lak tihsan a tum thu a puan avangin a sumdawnpui lian ber Canada leh European Union an lungni lo hle a. US President Donald Trump-a ruahmanna do let tur hian Canada leh EU te hian hma an lak ve tur thu an sawi nghal a, Mexico, China leh Brazil te pawhin a beihlet dan tur an ngaihtuah nghal tih an sawi. Trump hian tweeter ah US chu insumdawn tawnna kalphung fel lo avangin dah tetin a awm nia sawiin, Steel lakluh atang hian zaa 25 leh Aluminium atangin zaa cheng 10 zel chhiah lak a nih tur thu a puang a ni. Hetihlai hian thil chhut mi te chuan Trump-a ruahmanna ang hian chhiah lak hi tih san a nih chuan hnathawktu lamin an tuar ngei dawn niin an sawi thung a, US mipuite tan pawh Steel leh Aluminium te hi a man a san phah zawk dawn niin an sawi bawk.