Democrats ten an thunun, House of Representatives ah hian Trump-a paihthlakna tur resolution hi member 228 in thlawpin 193 in an thlawp lo a, hun engemawchen Senate-a thawn lova tih khawtlai a nih hnuah Trump-a puhnate hi Senate-a ngaihtuah tura chhawp chhuah a ni ta a ni. Senate hi Trump-a awmna party Republican in an thunun a ni ve thung a, Trump-a hi thiam loh chantir tur nge, thiam chantir tur tih ngaihtuah a ni dawn a ni.
House of representatives Speaker Nancy Peolosi-i chuan Trump-a chuan a thuneihna a hmangsual ngei a ni a ti. Hetihlai hian Republican Senate hruaitu Mitch McConnell chuan Trump-a puhna te hi Thawhlehni a\anga ngaihtuah \an a nih tur thu a sawi.
President Trump-a hi thuneihna hmangsualah leh congress rorel dodal-a puh a ni a, nikum July ni 25 khan Ukraine ram hruaitute bia-a president inthlanna neih tura a khingpui tura ngaih Joe Biden-a leh a fapa chhui tura nawrah puh a ni a, president a nih leh theihna tura ramdang inrawlh tira puh a ni. Biden leh a fapa Hunter-a te hi Ukraine Energy Firm pakhatah an tel \hin a, khatih hunlai khan Biden-a hi US Vice President a nih lai a ni.
Senate in President dinglai paih tumna an ngaihtuah hi US chanchinah vawi hnih a lo thleng tawh a, Trump-a hi a pathumna tur a ni.
