US President Donald Trump a’n North Korea hruaitu Kim Jong-un nena an inbiakna in rah tha a chhuah dawn loa a lan chuan thulh a tum thu a sawi

0
239
views

US President Donald Trump a’n North Korea hruaitu Kim Jong-un nena an inbiakna in rah \ha a chhuah dawn loa a lan chuan \hulh a tum thu a sawi. Japan PM Shinzo Abe nen chanchinbumite an kawmnaah North Korea chu a nuclear ralthuam ti tawp tura na taka nawr a ni ang tih an sawi a, Abe hi Trump-a nena inbe tur hian Florida-a Mar-a-Lago hmunah a awm ve mek a ni. Hemi hmalam hian Trump hian CIA Director Mike Pompeo chu North Korea hotupa hmu tur hian a zin ngei tih a lo nemnghet tawh a, Pompeo leh Kim te hi boruak \ha tak hnuaiah an titi tih a sawi. Trumpa leh Kim Jong-un te hi June thlaah an inbe dawn nia sawi a ni a, a hmun tur leh a hun tur erawh la tih chian a la ni lo thung. Japan PM nena chanchinbumite an kawmna ah hian Trump-a chuan North Korea hruaitu nena inbiakna neih an tum hi hlawhtling dawna a lan loh chuan a \hulh ang tih a sawi a, inbiakna hi neih pawh nise, rah\ha chhuah dawna a lan loh chuan a inhnukdawk nghal ang tih a sawi. Japan PM nen hian ram pahnihte insumdawntawnna chungchang pawh an sawi dun a, zalen taka ram pahnihte insumdawntawnna kalpui chhunzawm zel an remti a ni.