Fakselna 19th April, 2018

0
425
views

Cachar nena kan inri-na thu hraw tak mai kan tawn laia, party lian hruaitute an ngawi thei hi kan rama thil thleng mak a tlingin ka hria. An lo dawih ngang nge ni ang, ram an hmangaih lo? Ram hruaitu nih tumin theihtawp an chhuah lawi a. Sailam lal Bengkhuaia an chhun loh hmel khawp mai.
RK Sanga
————

Congress sorkar hnuaia CADC chu sum lamah an hmingchhiat avangin \hiah a lo ngai ta hial kha a ni a, tunah CADC inthlan a lo hnai ta a, kan CM leh Minister rualten an han \hutchilh leh ta mup mai chu a nia. Corruption a zung nena phoro an tum kha an zu zawng dawn nge? Mipuite chan ai kha an ta angin an zu thehthang leh zawk dawn aw? An tan chuan thudang han sawi tur a van hmel viau bawk si a, chubak chu tih tur dang vak an neih hmel loh tlat.
Tlabung Uitangrual
————–

Kolasib khawpui chhunga SBI ATM te a chhe reng mai hi Manager mawh a ni em? Mahni hnathawk thei lo a nih chuan a tih tur a ti lo a ni tih inhre thar se a \ha khawp ang.
OBSERVER
————-

MNF party hian Congress party leh an sorkara nihna sang tak lo nei tawh Pu Suama leh Pu Saikapa te hi chelek hle mah se an thusawi miin an awih tak tak chuang lo.
VL Ruata
————-

Politics lam a ni emaw, sorkar hna, sumdawng, kut hnathawk pawh ni se mi \ha leh mi ngil chu an che chhe tak tak ngai lo.
Duata pu
————–

HPC(D) ho hian silai hi an tung ve ngawt a, a bo an hlau lo em ni? Bo thei chu a bo leh mai tur asin! Silai hi tun fo ngam chi pawh a ni meuh em maw ni le te ka ti deuh va.
9862831087
————-

Sawi leh ila Zofate insuihkhawma zaikhata min luantirtu a kung pawimawh ber chu YMA hi a ni. State dang leh Foreign-ah YMA hi Zofaten kan pawm vek. Engatinge ram chhungah YMA duh khawp lova YLA a din tlat le?
LB-a Pa
————–

Kan ram dinhmun hi i thlir chiang teh ang u. A tua pawh hi mahni awm hmunah ka inla changkang e kan ti a. Mahse, kan changkang lo lutuk tih hi kan hai em ni aw? Hetianga inlak changkan ai chuan e i fai zawk teh ang u. Ram fai Korea ram pawh khu an inla changkang em em lo, mahse an fai avangin an changkang thung. Lo inla changkang pawh nise an faia, a awm ngawih ngawih a ni. Amaherawhchu, keini ram te inla changkang, \hing bawk si te hian kan ram thenfai hna hi i thawk teh ang u. Chutin kan rama siktui thiang te leh ram ngaw nuam tak te hi kan chawi nung zawk lo’ng maw?
Mi u
————-