US President Donald Trump- an US-a lungawi lohna lantirtute laka tawngkam dengkhawng tak a hman chungchangah Facebook CEO Mark Zuckerberg-a’n hma a lak loh avangin Facebook-a thawktuten an CEO hi an sawisel nasa hle.

0
96
views

Trump-a’n mipui in lungawilohna an lantirnaah dawr an rawk a nih chuan inkahna a thleng ve nghal ang tih a sawi chu twitter-in tharumthawhna ti chhuak thei niah ngaiin a thu post ah hian warning label a dah nghal a, he thu tho hi Facebook chuan engtinmah a ti ve lo thung a ni.

Facebook product management director, Jason Toff chuan Facebook-a thawk ni mahse an thil tih dan chu a thawhpui tam zawk te nen tha an ti lo hle tih twitter-ah a post a, Jason Stirman chuan Facebook hnuaia thawk ni mahse Mark-a’n Trump-a thu post chungchang engtinmah a tilo chu a dem tih a sawi a, chi in thliarnaah chungchangah tan lam nei lovin a awm theih loh tih twitter ah a post bawk a ni.

Hetihlai hian, Mark Zuckerberg chuan Trump-a post chu huathlala awm viau mahse Facebook-in tharumthawhna khapna dan an neih chu a bawhchhiat loh bakah sorkarin sipai a hman dawn leh dawn loh mipuiten an hriat a tul a ni a ti thung.