Fakselna 2nd June, 2020

0
140
views

Kan sorkar hi a muthlu leh tlat mai, harh teh se. Dt.1.6.20 hian traffic jam a nasa leh hle. Kar hmasa lamah a jam nasa tawh bawk. A chhan chu mipuiin eitur chhekkhawl kan duh vang a ni. Kan duh chhan chu Assam-in ramri an khar dawn nia hriat vang a ni. Kan sorkar hian kar hmasa khan mipui min thlamuan tawh tur a ni. Bungrua (commodity) phurh luh buai lo turin kan \ang dawn, tumah buai suh u tiin thuchhuah an siam tur a ni. Buai lo turin \an an la tur pawh a ni a, a theih pawh a theih a ni. Transport dept. an mutthlûk rei avanga awm lo taka late fee kan pe \euh ang khan kan sorkar muthlu \hin avangin \ul lovah mipui kan buai fo mai. Kan CM-in Zampui tlangdung thlavang a hauh hi chu a lawmawm thlawt e. Tin, kawngpui an siam mam \ha em em te hi a lawmawm. Congress an sorkar leh ang tih hlauhawm khawpin an ti mam kal zel e. Hri leng dona lamah pawh an \ha phian e.

Mr. Mipui

Kan sorkarin inrenchem lam a hawi mek laiin, state pawn lam a\anga kan unau lo haw te Quarantine Centre hrang hranga a dahte ei leh in a la tumsak hi thil lawmawm tak a nih chungin insensona nasa tak a ni ve awm e. Heng kan unau lo haw te hi Quarantine ni lo se an chhung ten an kep tur te tho an ni a, an chhungte chuan kan naute ei leh in tur chu kan tumsak a har vak chuang dawn em ni ka ti deuh. Hmun \henkhatah chuan kohhran te pawhin an lo tumsak tih hriat tur a awm bawk. Thil \ha leh lawmawm tak a ni chungin mahni chhungte buaipui chu a hrehawm chuang dawn si lo va, sorkarin inrenchem a puan mek laia sorkar sum tih hekna tur hi i venpui hram hram ang u.

Kharkhip chungchang puangtuten ‘nuamchenna’ hmun tia an rawn sawi \hin hi, ‘intihhlimna’ tia sawi ni hram se ka ti.

Luaitea

Pu Chief Minister zahawm tak, Kolasib-a kum 18 leh kum 40 inkar mi 11, Covid-19 natna lanchhuah dana an taksaa lang chhuak loten Covid-19 an kai tih finfiah a ni a, heng mite hi Aizawl Medical College-a dahluh an ni tih hriat a ni a, Aizawla in tin deuhthawah sorkar hnathawk an awm avangin hri inkaidarh tur ven nan sorkar pisa zawng zawng khar turin rawtna ka rawn thlen e. Respected Pu Chief Minister,
After 11 corona cases are confirmed in Kolasib aged 18-40. All asymptomatic. All admitted in Aizawl medical college. State should shut down all Govt offices in Aizawl as every household in Aizawl has a Govt employee. The virus can spread rapidly.

DP Singh, IAS (Rtd)

Zoram mipuite hi sorkar thuchhuak pawh zawm zo lo awm reng kan lo ni ka ti tawp mai. Kan sorkarin thil man tihsan loh tur an ti a, tunah lem Electric Bill, Petrol leh Diesel man rin phak bakin an ti sang leh bawk sia, chakai nufa kal dan tur inzirtir kan ang mah mah zawkin ka hria. Inkharkhip hi kalpui zel pawh nise ei leh in bakah kan nitin mamawh thilah harsatna a awm lovang an tiin ka hre si a, khawiah nge khang inthusawi zawng zawng kha a awm tak ni? Diesel leh Petrol hi a leina tur nei zawk Minister leh MLA ten a thlawnin an la dawng zui. Switzerland of the East te pawh hi hmuh hlan kan nghahhlelh tehreng nen tunah zawng doral mai an chang tawh si.

Chhaktiang Keite

Kan sawi mawlh mawlh lo thei lo va, kan ram buh leh bala intodelh tur zawnga kan ram hruaitute hma an lo la lo hi a pawi tulh tulh dawn. Tunah pawh hian an la \hangharh lovin ka hria, awka chuan an sawi thla zen, an hmalak thar hmuh tur awm a awm si lo a nih hi. Mau sawimawi a hun tawh lo; Pu |hena khan ril\am chungin ral a do theih loh, buh leh bala intodelh phawt hi kan hna hmasa tur a ni ti khan a sawi \hin. Chatuan ram pan tawhte chanchin sawi fo hi a fuh ber lo, mahse kan ram hruaitute chezia han thlir hian buh leh bala intodelh tur zawnga an hmalak thar hriat tur awm lo hian min sawi tir leh \hin a nih hi. He hripui hian ram hruaitute thinlung hi beng harh mawlh se la, sum awm ang ang hian buh chin theihna hmun tawh phawt chu buh chin nan hma la chur chur tawh rawh se. Kan hun tawng chhoh zel tur sawi theih a ni lo, a eng lam aiin a thim lam hi a lian zawk. Engpawh tawng chho ila buh eitur a awm phawt chuan a lungngaihthlak lutuk lo thei a ni.

RK Sanga

Zing lama Zonet chanchin thar, a tuk zinga chhuah nawn tawp hi a tih chi vak loh. Covid-19 vei thar an awm lo tih tukin zing dar 9 dawn khan an la puang lauh lauh va, LPS-ah chuan zing dar 8 khan positive 12 hmuh chhuah thar thu Vanlalchhuangi Hnamte-in a puang daih tawh.
Mawii

(Zing Daifim (chanchin thar) zing dar 7:30-ah Live-a puan \hin a ni a, hemi zawhah hian a hma zana chanchin thar chhuah nawn \hin a ni.)

Mizoram pawh kan fimkhur zual a ngai ta khawp mai. Phai a\anga rawn hawte kawng lakah an finkhur tawk lo tihte, Bus Driver zu vanga chesual tihte leh phai a\anga rawn haw khunghranten Laptop en hovin an awm khawm, a huhova infiam tihte hriat a ni nual mai. Khunghran ho pawh kai lo awm palh ta se an inkaichhawn vek dawn tihna a ni. Thuneitu lam pawh kan \an deuha, zirtirna pawh pek uar an ngai a ni. Dan leh thupek kenkawh kawngah sorkar a hlawhchham a tih theih dawn tlat, thawktute an hah viau tawh chungin ram leh hnam him nan \an han la zual deuh se a duhawm hle mai.

LT Ralte

Covid-19 chuan sawi zui a hlawh lo thei lo, tunlai thil awmzia a nih avang hian thildang sawi pawh a zahthlak zawk mah tih tur a ni. Keipawh chu tho chu a ni. Phailam a\anga lo haw te bawk hi ka ti leh pek \hin ang, inpawimawh a ni. Chhungten hlim tak leh thlahlel takin kan thlir che u, mahse demna che u kan nei a ni. Rel chhung boruak han hmuh hian \henkhat thawveng tak leh social distancing ngai pawimawh lo intam hle niin a lang a, Zoram lama intan Zoram him nan theihtawp chhuahin kan lo \awng\ai a, infimkhur loh rah hi kan lo seng palh ang tih hi hlauhawm tak a nia. Pathian fak leh \awng\aina nen lo haw mawlh teh u. Thawvenna chi a ni lo, lungngaih viau tur lah a ni hran lo va, mahni hmakhua \heuh kha ngai ula, fimkhur takin inveng uluk rawh u. Hri vei pakhat enkawl hautak zia te, kan ram ecomics-in a nghawng dan tur te ngaihtuah turin a lo la haw ve lo te kan chah duh che u a ni. Kan himna, kan hlim tlanna, kan ram damna turte hre rengin lo haw ula kan duh hle mai. Zoram manganna hi i mawh a ni tih inhre vek dawn nia. Nun inthlahdah reng reng suh ang che u.

Serlui Pachuau

Coronavirus vanga harsatna thleng thei chu keini aia fing zawk leh thilti thei zawk sorkarin buaipuitu tura a ruat ten lo buaipui mai se la, nang leh keichuan Covid-19 laka kan chhungkua kan him theih nan fimkhur taka inveng chungin kan mamawh kan eibar dapna kawngte leh kan chakkhai mamawhte ngaihtuah ila, kan hotute chungah mawhphurhna sang tak a innghat tih hria-in keini pawhin kan hotute i ring ngam ang u. Kan \angrual ang a, LALPA chakna ring chungin he Covid-19 hi kan hneh ngei ang. Covid-19 lakah hian kan RAM, kan HNAM, kan CHHUNGKAW himna hi nang leh kei hian kan mawhphurhna a ni tih hria-in \awngtaina nen \an i la sauh sauh teh ang.

MC-a, Lunglei

Ka ngaihdan ka sawi ve mai mai teh ang. Total lockdown lai khan LTF kha veng tin, khaw tinah din a ni a, an thawkrim em em tih pawh kan hria, mahse an hna tak thawk aiin thawk lo an tam zawk em aw tih ka ngaihtuah mai mai a, veng chhungah duty-a vak kualin in tinah harsatna nei an awm em, tlakchham nei leh chhuanchham an awm em, \anpui ngai te an awm em tia vak kual tura ka ngaih laiin kawngpui dung lun laiah Traffic police emaw inti ta tlat kan awm kha a ni. Kawngpui dunga mihring vak vel lo tiding a, lo zawh chu an ti a nih pawn a awm a, an tih tur pawh a ni. Motor leh lirthei lo phar din leh lo check kha an hna a ni lo, Traffic police hna a ni. Ruihhlo lam tawlhruk nan chance lak tum tih te pawh excise an awm, police pawh an awm, sorkarin hlawh neia a chhawrte an ni. Enga tinge NGO lam inrawlh a ngaih leh \hin aw tih thleng hian a ni ka ngaihtuah \hin ni. Kan tih tur, kan hna \heuh hi rinawm takin thawk \heuh ila, \angrual ila, tun ai hian kawng engkimah thil a awlsamin a hahdam zawk ngei ang. Ramria duty te hi a ni ka vei em em chu, ram him nana theihtawpa a sur a sa hnuaia awm mekte hi i \awng\aipuiin a theih ang angin i \anpui zel ang u.

Kan hotupa chuan chaw, thlai, sa-ah intodelh thei kan nih thu a sawi a, kalphung \henkhat thlak a ngai a ti bawk a, ngaihtuahna min neih tir ta chu a ngai hian kan kal rei ta hle a lo ni tih hi mipuite hian sorkar chu kan thlak \hin a, mahse kan kaldan erawh a la ngai char char a ni. Tunah pawh chem leh chemkawm hmang thiam ho tan chuan raw \iak inchintir leh bawk a ni. Thlai chi supply leh vawk note, ar note in supply \hin hi kan intodelhna tur ni se kan intodelh daih tawh lo’ng maw?

The spect

Positive 12 lek maw kan nih? Kan va la tlem ve le. Ka tih chhan chu heti hulh hulha kan inthlahdah avanga hian kan la kai tlem ka ti a ni. Engtin nge ni zel ang le aw? Kkan state a pachhe si, mipuiin thu kan awih bawk si lo, he kan thil tawn mek a\ang hian nasa leh zuala Pathian kan auh a, thu kan awih a ngai ta a ni. Tin, khirh zawka thuneituten ruahmanna an siam a ngai ta a ni lo’m ni?

Inkharkhip kalphung sorkarin a siam tharte zingah “Lirthei mihring phur chite an phurh theih zat pangngai (seat full) a phurh a remti ta hi chu a la hun lo deuh mang e. Hei hi chu ngaihtuah \ha leh se a duhawm ngawt mai.

Lala, Aizawl

Pu Zonet, LLTF te’n thuchhuah an siam nachungin zing lamah Vai cement leh balu dawr an hawng a, Vai ho bawkin hna an thawk suau suau lawi si. Vai Truck, a bikin Rod leh Cement phur ho lo lut rengte hi eng nge maw a chhan le? Nge a dawr neitute hian thil an ti thei fu zawk? Eichawp phur chauh luh phal tih kha niin ka lo hria a, fimkhur tlan a va ngai ta ve.

No. Thup

Mipuite him zawk nan a thla a thla sorkarin mipui min kharkhip a, hetihlai hian lo haw te ni 14 chauh khunghran hi chu ennawn buai lovin ni 28 khunghrang turin thlak nghal se a pawimawh hle a ni. An tan, mipui tan, kan zavaia him tlan nan a \ul tawpkhawk tawp a ni. Tuna positive an hmuh thar symptom awm miah lo a\ang hian i harh chhuak mawlh ang u khai, a tlai hma-in.

Nelson Mandela

Kan ram roreltute pawh fingin fel viau mahse rorel fuh lo leh state pawn a\anga hruai luh an han neih ruih ruih dan a\ang hian tih fuh loh an nei chiang dawn mang e. A hmaa kan lo inkharkhip a, hrehawm rei tak kan lo tawrh tawhna hian awmzia a la nei dawn lo chiang mang e tih hi ka lo hmuh lawk ve dan a ni. Kristian ram kan ni a, state-in thuneihna thui tak a neih ve pawh hmang ngam lovin Central thupek ang zelin kan inkaihruai a, kan Pathian nung kan biak ai pawha hri leng mek kan hlauh a, Pathian sirah kan dah zawk dan a\ang hian A thinurna leh thikthu chhiatna tawngbua pawh ni ila kan vui thei awm lo e.

Enkawla Pu

Woman helpline-in hmeichhe thlavang an hauhna TV-ah kan lo hmu \hin a, heti hian ka lo ti ve pek a, mipate pawh nupui ngam lo, thaibawih pui pui, hmeichhe ni khua lo tak tak nupui nei, \hen ngam bawk si lote leh hmeichhia zawkin in\hen cho reng, an in\hen vaih chuan mipa zawk chan chhe tak ni turte, a ruka ngaihzawng nei leh inuire san adt. Heng zawng zawng hi pasalin a tawh ve theih vek a ni a, mipa, nupuite hmaa \i deuh den duan ho tan te hian Man helpline te pawh hi siam ve awm tak tih te keia nupui nei lo ber hian ka lo duhsak ve hle a ni. Kan neih ve hunah kan la \angkai pui zek tur asin.

Tlangvala

Tunlai Zonet chanchin thar puangtu hmeichhia hi a \awng a fiahin Mizo \awnga “R” awmna a lamfiah a, thar, ber leh hrang hrang tih ang chi te, a \awng a thawl halh mai a, a zangkhai a ni.

Khai le kan hrileng chu a takin kan luhchilh ve ta maw? Ka ngaihtuahna chi hnih te: 1. Ramri duty te ka va khawngaih tak em, a thim a var thlu lo leh zan mu pawh tuah hman lova \hahnemngaite chân loh lam a\angin hri a lo lut ta, duty te infakawmin ka thinlung a nat pui lutuk che u. 2. Tuna State dang a\anga lo haw positive te hi han ngaihtuah teh u, mipa 1 chiah awmin a dang zawng hmeichhia an ni hian ngaihtuahna a ti thui rawng rawng mange.

Mau ti reng lo khan DAH te kha lo ti ve ta zawk se kan \hatpui zawk ngei ka ring tlat.

Sawmsawmi Pu