|awngkam hriam tak taka invau tawn reng \hin US president Donald Trump leh North Korea hruaitu Kim Jong-un te chu vawiin khan Singapore ah an inbe ta a, Kim Jong-un a’n nuclear ralthuam tihtawp ngei a tum thu a nemnghet a, US in ram vehimna lamah a pui thung ang.
US president nilai leh North Korea hruaitu lu nilai an in biak vawi khatna, Singapore Sentosa thliarkar Hotel changkang taka neihah hian lehkhapawimawh takah hming an ziah hnan a, an inremna tihpuitlin dan tur erawh tarlan a ni rih lo thung.
President Trump chuan Democratic People’s Republic of Korea DPRK tan venhimna pek a tiam a, DPRK Chairman Kim Jong-un chuan nuclear ralthuam tih tawp vek a tum thu a nemnghet ve bawk’ tih chu thuchhuah in\awm an siama an tarlan a ni. Trump-a chuan North Korea Nuclear ralthuam ti tawp tura hmalakna hi bul \an thuai a ni dawn tih a sawi a, US Secretary of State Mike Pompeo leh North Korea ram hruaitute chuan a bawhzui dan tur an ngaihtuah ho thuai dawn a ni a ti.
Lehkha pawimawha hming an ziah lai hian chanchinbumite zawhna tlem azawng an chhang a, Trump-a chuan an inremna chu ram pahnih tan a tawn tawna thil lawmawm a nih a rin thu a sawi a, a kimchang chu hun rei lote chhunga puanzar a nih tur thu a sawi. Donald Trump-a chuan Kim Jong-un nen mimal taka inzawmna an neih chungchang sawi langin White House-a leng tura sawm ngei a tum thu a sawilang a. Kim Jong-un chuan hun kal tawhte chu hnuchhawna hmalam thlira kal an tum thu a sawi bawk.
Inbe tura \huthmun an rem tawh hnua chanchinbumite zawhna chhangin US President Donald Trump chuan a hlim hle tih a sawi a, inbiakna chuan rah \ha tak a chhuah ngei a rin thu a sawi a, Kim Jong-un chuan inbe turin kawng thui tak an zawh tih sawiin, harsatna tam tak an paltlang tih a sawi. An inbiakna ah hian \awnglettu bak midang an tel lova, minute 40 chhung an inkawm hnuah, ram pahnih aiawh ve ve mi tlem te in an zawm ve leh a ni. Inbiakna-a tel tura Washington a\anga thawk chhuakte hi US Secretary of State Mike Pompeo leh Security Adviser John Bolton te an ni a, Pyongyang lam a\angin Kim-a rinpui ber Kim Yong-chol leh Foreign minister Ri Yong-ho te an tel bawk. Chaw chhun an kilho zuiah khawthlang lam ram chaw leh Korea chaw te an ei pawlh a ni.
