Varanasi-a kawngpui chunga lei dawh a chim chhan chu lirthei tlan tam lutuk vang leh fimkhur loh vang a ni – Investigation Committee

Thla hluia mi 15 in an thih phahna, Varanasi-a kawngpui chunga lei dawh a chim chhan chu lirthei tlan tam lutuk vang leh fimkhur loh vang a ni tih a chhuichiangtu Committee in a sawi. He Flyover chim chhan hi beam dotu ban pahnih a chhiat vang a ni tih report chuan a tarlang a ni. May ni 15-a lei chim hi UP State Bridge Corporation siam a ni a, cheng vbc 129 senna he lei hi Chokaghat leh Kahartara inkara dawh a ni. He project enkawltu Manager leh official dang \henkhat chu suspend an nih bakah Bridge Corporation Managing Director Rajan Mittal pawh sawn nghal a ni. Varanasi Police hotupa RK Bhardwaj chuan lei dawhtute hian himna tur dan zawm loh an nei nual tih a sawi.