US President thlanna-ah Russia a inrawlh tih finfiahna tur engmah hmu lo- Google

0
931
views

Nikuma US President thlanna-ah Russia a inrawlh nia sawi chungchang kal zelah, Google chuan Russia a inrawlh tih finfiahna tur engmah an hmu lo tih an sawi. Nilaini khan he thil chungchangah hian Facebook chuan kum 2015 June thla leh kumin May thla inkar chhungin chanchin dik lo theh darh tuma advertisement leitu, mi 470 vel an awm thu leh, advertisement 3,000 vel chu an hai chhuak niin an lo sawi tawh bawk a ni. Internet-a thil zawn chhuahna hman nasat ber, Google chuan an company dan kalh emaw, kalphung zawm lo thil reng reng an thlitfim ziah thu leh, US inthlan chungchanga thu dik lo theh darh tumna lam chi engmah an hmuh loh thu an sawi bawk. Puan tawh angin, US rorel khawlte chuan President thlanna-ah Russia a inrawlh nia sawi chungchang hi thla sawm dawn lai an chhui tawh a, finfiahna tha tawk an la nei thei lo a ni.