US Secretary of State-in North Korea laka hma la turin Thailand sorkar ngen

0
471
views

Thailand-a cham mek, US Secretary of State, Rex Tillerson chuan N.Korea laka nasa lehzuala hma la turin Thailand thuneitute a ngen. Kum 2014-a Thailand sorkar, sipaiin an paihthlak hnuah, tun hi US thuneitu sangin he ram a tlawh leh tum khatna a ni a, N.Korea-in sum a hmuh theihna nek chep zel turin Tillerson hian Asia khawmualpui chhim-chhak lam ram hrang hrangte hmin tumin a zin kual mek a ni. US chuan Thailand-ah hian N.Korea company hrang hrangte’n hmun an khuar niin a sawi a, heng te hi tihtawp sak turin Thailand thuneitute hi an duh tih Tillerson hian a sawi bawk a ni. Thailand PM Prayuth Chan-ocha chuan ralthuam enchhin vanga N.Korea hrekna tur, UN thutlukna reng reng a thlawp tur thu a sawi bawk a ni.