Val Upa Council Aijal Club-ah \hukhawm

0
426
views

Zoram Peoples’ Movement hnuaia Val Upa Council chu vawiin khan Aijal Club-ah an \hukhawm a, an Chairman thar atan IAS officer pension tawh, Pu Lalfak Zuala an ruat a, Vice Chairman atan IPS officer pension tawh, Pu F. Lalremsiama, Secretary-ah Prof. Thangchungnunga leh Member atan Pu KL. Lianchia, Pu C. Laitanga leh Dr. B. Thangdailova an ruat bawk. Val Upa Council hi Zoram Peoples’ Movement uap tur te, sorkar khalh ngil tur leh thurawn pe a, zilhhau ngaite zilhtu tur a ni a. Steering Committee-in emaw sorkar-in emaw thu harsa a neih chu Val Upa Council-ah a thlen ang a, an thutlukna chu thu tawp a ni dawn a ni. Inthlannaa Zoram Peoples’ Movement aiawh ding tur reng reng chu Val Upa Council-in rinawmna thu a tiamtir ang a, \ul a tih chuan Val Upa Council Member a ruat belh thei dawn bawk a ni.

He \hutkhawm hnu hian Val Upa Council leh Steering Committee member-te chu a huhovin an \hu khawm leh nghal a, an pawl inkaihhruaina tura thil pawimawh hrang hrang an sawi ho a ni. Zoram Peoples’ Movement hotute chuan, sorkar kalphung thar din a tum chu mimal thunei fál awmna kalphung ni lovin, Committee rorelna kalphung a ni dawn niin an sawi a. He kalphung hi Mizote hman thiam sa, Kohhranin kum 100 chuang hlawhtling taka alo hman tawh a ni tih an sawi.