MNYF General Headquarters hruaitute chuan an party General Secretary hovin Buichali leh Kawnpui inkar kawngpui dinhmun an en

0
329
views

MNYF General Headquarters hruaitute chuan an party General Secretary, Pu Lalruatkima MLA hovin vawiin khan Buichali leh Kawnpui inkar kawngpui dinhmun an en a, hemi hnua an thuchhuahah MNYF chuan, Buichali leh Kawnpui inkar kawngpui siam nan hian a tirah cheng nuai 12,413 ruahman ni mah se, \um hnih ennawn a nih hnuah cheng nuai 17,198 a tling ta niin an sawi a, hei hi a tira sum ruahman aiin cheng nuai 4,785 in a tam nia sawiin. KM 1 siam nan cheng nuai 580 vel zel seng ang niin an sawi. MNYF chuan, he kawng siamtu, Silchara ABCI Infrastructure Pvt. Ltd chu he hna thawh zawh nana hun ruat, vawi 7 pawh seisak niin an sawi a, tunah hian Mizoram hmun hrang hrangah kawngpui a chhiat nasat avangin khaw tam tak Maxicab te pawh an tlan ngam tawh lo nia sawiin, Oil Palm chingtute pawhin kawng chhiat avangin an Oil Palm rah an hralh theih loh phah bawk niin an sawi.