Valerie Plame Wilson-i’n Trump-a Twitter hmang thei loa siam tum

US-a intelligence, CIA hnuaia thawk thin, Valerie Plame Wilson-i chuan US President Donald Trump-a’n social media zinga a hman uar tak, Twitter leina tur sum tuak campaign a huaihawt a, hei hi President Trump-a hi Twitter hmang thei lo-a siam a duh vang nia sawi a ni. Plame-i chuan, Trump-a hian Twitter-ah thil awm ang lo tak tak, chi inthliarna lam thilte a sawi thin bakah, ram mipuite chu chanchinbu mite leh thuthar lakhawmtute haw turin a fuih pawrh thin a, nuclear ralthuam hmanga North Korea a vau phei chu a dik lo takzet a, hei vang hian tihtawp thuai a ngai niin a sawi. Plame-i hian dollar tld. tam tak a khawn ngah hnuah, Twitter hi lei chhawn a, Trump-a hi hnawhchhuah a tum niin a sawi a, a thil tum hi a hlawhtlin ring lo an tam hle a ni. Nimin thleng khan Plame-i hian dollar 6,000 vel a khawn ngah tawh a, mimal hnen atangin dollar 100 vel a dawng nia sawi a ni.