UN-in Yemen-a indo thlawhna hmanga beihpui thlak chungchang chhui, mi 41 thi tawh

0
743
views

Yemen khawpui, Sanaa bula Saudi Arabia leh a thurualpui ramte’n khawpui awptu, Houthi hel ho laka indo thlawhna hmanga beihpui an thlaka thi chu mi 41 vel an tlin tawh avangin UN-in a chhui a, Sanaa-a mihring dikna leh chanvo humhalhtu, Hussain Albukhaiti-a’n Al Jazeera a hrilh danin, mi 13 vel chin hriat lohin an la awm a, indo thlawhna hian Sanaa hmar lam atanga km 35-a hla, Arhab district-a hotel lar tak pakhat a beih hnuah, a luhna gate chu a bei zui leh a ni. Saudi Arabia leh a thurualpui ram sipaite hian Houthi hel ho an bei nia ngaih ni mah se, Albukhaiti-a chuan helai hmunah hian hel pakhat mah an awm lo niin a sawi a, UN chuan hei hi finfiah theih ni lo mah se, civil mite chunga hetiang thil a thleng hi pawm dam theih a nih loh thu a sawi a ni.