Nilaini-a 5G service phochhuaktu hmasa ber a nih hnuah South Korea-a Samsung Electronics chuan 5G phone hmasa ber Galaxy S10 5G a phochhuak leh a, dollar 1,200 man a ni. Galxy S10 phochhuahna hi Seoul khawchhung hmun hrangah SK Telecom, KT leh LG Uplus te’n an huaihawt a, a chak zia entirnan 5G network hmanga virtual reality display leh robot demonstration te pho lan a ni a, he mobile leitute chuan 5G hmanga internet chak zawk hman theih an nghhahhlelh thu an sawi a, a tam zawk chuan sports games leh university lecture live-a stream an chak thu te an sawi a, a \henin Virtual Reality content hman an chak thu an sawi a ni.
Samsung zawh hian a elpui LG chuan tun thla hian 5G phone V50 ThinQ phochhuah a tum bawk a, Global System for Mobile Communications chuan he 5G network leh phone a\ang hian South Korea hian kum 2034 velah chuan dollar tld 565 hlawkna a tel an ring a ni.
