Vietnam thuziak mi, Mother Mushroom tia a hminglem vuahsak chu Jail a\anga chhuah anih hnuah a fate nen US a thleng.

0
500
views

 

Nguyen Ngoc Nhu Quynh hian Jail a\anga chhuah a nih veleh Nilaini khan US-a Houston Texas pan turin Vietnam a chhuahsan a, kum 2017 khan Vietnam sorkar a seisel avangin kum 10 lungin tang turin a chungthu rel a ni. Vietnam Communist sorkar hian sorkar sawiseltute chu Jailah a lo khung fo tawh \hin a ni.

Houston \umhmun a thlenin chanchinbumite leh amah thlawptute hmaah thu a sawi a, Vietnam ah mipui sorkar democracy din anih theihna tura au chhuah zel a tum thu a sawi. Vietnam tlawhtu US Defence Secretary Jim Mattis a’n Vietnam a chhuahsan rualin Quynh chhuah anih thu hi puanzar nghal a ni a, chhuah anih theihna tur hian Vietnam sorkar hi Defence Secretary hian a nawr vang a ni em tih erawh finfiahna a awm lo thung. Amnesty International hotu Nicholas Bequelin chuan kum hnih ral hnua Quynd chhuah tir a ni ta chu lawmawm a tih thu sawiin, Vietnam in sorkar sawiseltute man-a Jail-a a khung mai \hin chu thil \ha lo tak a ni a ti.