West Bengal MP hlui, Lok Sabha Speaker pawh lo ni tawh, Somnath Chatterjee chu tukin dar 8 khan Kolkata-ah kum 89 mi niin a thi.

0
486
views

Somnath Chatterjee hi kum 2004 a\anga kum 2009 chhung khan Lok Sabha Speaker a ni a, kum 1968 khan Communist Party of India (Marxist) party-ah a lut a, politics a khelh chhungin \um khat chauh inthlanah a chak zo lo a, kum 1984 khan Jadavpur bialah Mamata Banerjee-i lakah a lo chak lo tawh a ni. Kum 2008 khan CPIM party chuan khatih hunlaia UPA kaihhruai sorkar laipui a thlawpna a ti tawp a, an party hruaitute chuan Chatterjee chu Lok Sabha Speaker a nihna a\anga bang turin an ti a, mahse Chatterjee chuan Speaker nihna chu party politics nena kaihhnawih tur thil a nih loh thu leh, a awmna party in bang tura a tih vang ringawta ban chu Parliament nihphung kalh a nih thu sawiin, a bang duh ta lo a, CPM a\ang hian an hnawtchhuak nghe nghe a ni.