He thlawhnaah hian Delhi-a Ram Manohar Lohia damdawi ina thawk doctor 5 leh Air India paramedic te tirh tel an ni a, tukin khan Delhi an thleng a ni.
Vawiin khan thlawhna dang tirh belh a ni a, Delhi a\angin chhun dar 12:50 a\ang a thlawk chhuak a, thlawhna hmasaa an tirh doctor 5-te bawk tirh tel an ni leh a, Air India Director Operation Captain Amitabh Singh-a’n a ho a ni.
Thlawhna tirh hmasa zawka chuang tur zinga mi 6 chu airport-a an hriselna endiknaah an khua a sik tih hriat a nih vangin Wuhan a\anga a chhuah hun tur tihkhawtlai a ni.
India chuan China sorkarin Wuhan-a a ram mi leh sa awmte thiarchhuah a phalsak chu lawmawm a tih thu a sawi a ni.
Wuhan a\anga lak chhuah te hi Manesar leh Delhi-ah dah hran a, enthlak rih an ni dawn a, doctor ten an vil reng dawn a ni.
China a\anga hruai chhuah India mite chu group 3-ah \hen an ni a, group khatna chu khawsik, khuh leh thawkna lama harsatna nei te an ni a, BHDC-ah dah an ni ang a, group 2-na te chu coronavirus lan chhuah dan an taksaah lang chhuak lo mah se, sa zawrhna emaw, lui lam sa zawrhnaah a kal emaw, China mi a vei sa nen an inpawhna an neih chuan vei theihna chance an neih vangin ni 14 chhung an enthla dawn a ni. Group 3-na chu an taksaa harsatna engmah nei lo leh China mite nena ni 14 liam ta a\anga inkungkaihna nei lo hrim hrim te an ni a, a, amaherawhchu fimkhur thilah an dah hrang tho dawn a, hmaituamna thuah thum hman tir an ni ang a, nitin an hriselna endik sakin ni 14 hnua harsatna an taksaah a awm loh chuan an chenna in \heuhah an haw thei dawn a ni.
