Zirlai 88 hremna atana thawmhnaw phelhtir an nih chungchangah NHRC-in Arunachal Pradesh insawifiah turin ti

0
347
views

Arunachal Pradesh-a zirlai, hmeichhe 88 hremna atana thawmhnaw phelhtir an nih chungchangah National Human Rights Commission-in chawlhkar li chhunga report thehlut turin state Chief Secretary a hriattir. NHRC chuan zirtirtute chu zahawm taka thil ti tura ngaih an nih laia hetiang thil a thleng chu na taka demin, an thil tih hi pawm zam theih a nih loh thu te, hetianga inhrem hi mi zahawmna tihbawrhbanna leh dan kalh a nih thu leh nunrawnthlak a tih thute a sawi a ni. Puan tawh angin kar hmasa Ningani khan Sagalee-a hmeichhe sikul-a zirtirtu pathumin an Head Teacher leh zirlai pakhat chungchang, mawi lo taka ziahna an hmu a, hei hi pawl 6 leh pawl 7 zirlaite entir kualin, a ziaktu an zawng a, tuman an ziah nia an sawi duh loh avangin pawl 6 leh pawl 7 zirlai zawng zawng chu he sikula zirlaite hmaa an thawmhnaw phelh turin an ti a, he thil thleng avang hian All Sangalee Students Union chuan Itanagar-ah FIR an lo thehlut tawh a ni.