Zirna in lem-a zirlai inziaklut, dan lova US-a cheng zirlai 130 man an ni a, heng zinga 129 chu India mi an ni.

0
436
views

Department of Homeland Security te chuan dan lova ram chhunga chengte man an nih theih nana Detroit-a Farmington Hills-ah University lem an din a, he University hnuaiah hian zirlaite chuan a lem a ni tih hre chungin an hming an ziaklut a, mi 130 man an ni, an vai hian ram pawna thawnchhuah tur an ni a, an tlan bo theih loh nan house arrest-a dah te pawh an awm nual niin a sawi a ni.

Immigration and Customs Enforcement sawi danin hetiang zirna in lem siamtute zing ami mi 8 man an ni bawk a, heng mite hi India mi emaw, America-a piang India mi an ni a, heng mite hian zirlai za chuang dan lova US-a an chen theih nan an \anpui a, kum 2017 khan hetiang zirna in lema hming ziaklut India mi 2,49,763 an awm a, heng zirna inphuahchawpte hi zawnchhuah zel an tum niin a sawi bawk.

India mi zirlai man te hi \anpui turin External Affairs Minister Sushma Swaraj leh a hote chuan an theihtawp an chhuah a, US-a Indian Embassy te chu nileng zankhuain hawn a ni a, an chungchang buaipui tur hian nodal officer ruat a ni.