Fakselna 13th May, 2019

0
28
views

Nikum congress sorkar term tawp dawn hnaih lama I&PR Deptt.a LDC post 3 lak tura written leh computer test neih, tuna result la tih chhuah loh hi tuna a changtu Minister hian result hi pawmpui tlakah a ngai dawn em? A chhan chu written test-a tling, computer test tura koh te hi computer test hi paltlang an awm lova, thla a liam leh fe hnuah computer test tur hian koh nawn leh an ni a, chutah pawh tumah computer test-ah chuan an la tling chuang lova, heti chung hian a buaipuitute chuan result chu I&PR Minister hnenah a pawmpui turin an thawn ta tho niin hriat a ni a, hei hi a changtu Minister hian pawmpui tlakah a ngai dawn tho em ni tih hi ka rawn zawt ve e.
No. Thup

9862399755

AMC hian an beng lo chhi deuh se. Millennium kawt leh Zarkawt kawn hi kea kalte tan kawng k^nna siam se a va duhawm ve le. Tun dinhmunah chuan kawng k^n a buaithlakin a hlauhawm tel tlat mai. Polite lo fe fe, intithei fe fea lirthei khalh an tam tawh si a.

8794835807

Minister, R. Lalzirliana chuan “Zu hi a awm reng tho ang…mimal tinte kan \anrual a ngai” a ti a. Zu khap hi MNF party policy a ni a, sorkar chak berte pawhin an khap rem theih loh avangin kei chuan ka support lo. Zu khap an rawt lai pawhin min rawn hek lo, mitin \angrual tura beisei chi pawh a ni lo. Mi sing tam tak card Rs. 300/- man neitute pawn an support vek hmel lo. Mizo nuai engemawzat zu khap duh lo kan awm tih hi Minister zahawm hian lo hre rawh se.

Ralte Bengchheng

8794659715

A changtu Minister dam loh vang nge, Pu Ramtea leh a hote hian tihngaihna an hre lo nge ni aw tui kan haw lo rei ta. Tuikawhna kan suih ta sup sup mai.
Liampuata

8974770543

Pu Hawla sorkar chhung khan ruah a sur duh em em a, kawng pawh an siam hleithei lo kha a nia. Pu Rama an sorkar ve a, ruah a sur leh hleithei lo a ni ber mai sia, eng vang tak ni maw?! Pu Duha sorkar ve ta se engtin nge kan khua hi a awm ve ang aw?
Lianvela

8974244232

MIMER a ni emaw ni lo emaw thil lo awm tawh sa tihdanglam hi kan change dan a nih chuan engtikah mah kan hnam hi a ding chhuak ngai lo ang. Eng pawh ni se kan ram leh kan hnam hi tuna kan kal dan ang hian kan him ang em? Kan nun dan, kan eizawn dante lah chu a \awp tawlh tawlh mai bawk si.
Hawh teh u, hnam anga \anrual a ngaih hunah chuan sorkar pawh hian a beng lo chhu ngawng ve \hin sela, hma la ngam te pawh a thu chauhin thlawp tawh lo sela ka ti khawp mai.
Fela pa KK

8118904367

Sorkarin, zirtirtu lak thar a tum hi sawiseltu an tamin a awm sa pawh chu sawn kual mahse sawiseltu an tam leh tho dawn a, training chhuak an tihte lah Congress-in kan fatlum an tih te, hnathawk \ha lo tia an ban tak te an ni bawk si a. A eng ber nge \ha tih pawh hriat har khawpin an sawisel leh nuaih nuaih mai dawn a, Police te pawh an lak hnua training tir an ni a, Congress ho tih ang tho khan MNF dik tak, a khaw mi ngei, hna \ha taka thawk turte chauh lak ni ta mai se, chutah training \ha tak pek ni bawk se. Pu Hawla te tihdan ang khan ti ve mai ta ila a fuh ber zawkin ka ring tlat.
Tlabung Uitangrual

9862014844

Pu Lalruatkima’n MIMER lam pum kha Assembly-ah a zawt a, a changtu Minister Pu Lalthanzara khan a chhang thei lo a ni maw? Tukin Vanglaini chhuakah khan HC Vanlalruata khan a rawn ziak a! Pu HC Vanlalruata thu rawn ziah hi a dik ngei ang, Pu Hawla leh a hote \awng duh dan leh chet dan \hin hi chu a Mizo lova, a vai zia \hin mah mah a ni. Sorkar sum hmanga hnathawh, mimal damlai hming an phuah thliah thluah mai te hi a mawi thlawt lo. Congress chuan an ching riau leh nghal! Hming thlak tih vel pawh hi Congress tih hmasak a nih tho hmel!
SANGA

8014499153

Kawng hrang hrangin kan ram mamawh hi sawi \hin mah ila, a \ul ber chu Silchar kawng pakhat kan hnukpui ni reng tih tawp hi a ni. Ram leilung nei \heuh \heuh, mi chawm bik nih reng hi a tlawm thlak. A bik takin, MNF leh Congress-in mawh inphur. Ram zalen duh ang thala chet theihna hun in nei ve ve, kan intodelhna turin hma la rawh u. Hnam damna leh zahawmna hi dah lian rawh u. Mahni intodelh lo, mihring leh ram chu a huaisen thei lo reng reng.
RKSanga

9862366590

Mualtin tlangtin mai hi han thlir ila a kawlh filh rel rul mai si a. Thlahte ka la nei ve ngai a nih chuan le ka tuchhuan hnihna emaw, thumna emaw te hunah zet chuan a kawng mam muat tawh emaw kha a ni awm si a, a ro hian an ro vawng vawng tawh mai dawn a ni. Heti chung hian a sorkarna chelh party a piang lah hian ramngaw chhete la awm ve \ek \ek pawh zuah tum a hnekin a tukdarh chi hlirin an policy te hi an la duang tak deuh deuh a. Ram kan hmangaih dan style hi chu ropui lo ve vet vet tak a ni. Nakinah chuan oil khu aiin vaivut khu turu lutuk hi kan la mangan pui ngawt ang.
Tlangvala

9862349117

Keini chu kan motor number 7 and 8 a ni a, scooty kan lei belh loh chuan office leh school kan kal thei lo tlat.
The carbon

9436352338

MBSE Office-ah hian vawi tam tak thil \ul buaipuiin ka leng lut tawh a, ka thil hmuh ngai reng mai chu a tu mai pawh biak nuam leh kan hriat fiah loh zawh chungchanga phur tak leh mimawl zawk hrethiam taka kawng mi kawhhmuh thei zel mai khi an fakawm thlawt a ni. Khitianga dawr nuam office khi kan Mizoram office dangah hian ka la tawng ngai lova, Fakselna kaltlangin lawmthu ka han sawi a ni. Chutihrualin academic room-a thawk an Pi, Superintendent leh a hote khi an hmelah Isua hmel a lang hle bawkin ka’n hre leh zela fakawm ka ti. MBSE thawktu zawng zawngte inkalzelna turah thinlung takin duhsakna ka hlan mawlh mawlh a che u.

ZL Zote

8575359967

Rimawi channel hi inkawm nana inhman duh zawk chuan Biangbiakna tiin a channel hming put tir zawk u la a \ha lo maw le.
RSSA

9077793750

Siahaah hian enga tinge Zonet hian ni thum pawh a daih tlat loh le? Hei tunah pawh nizan dar 12:30 vel a\ang khan a chech^ng leh miah lo tun thlengin. Siaha District mipuiten sum sengin kan pawt a ni a, sawi leh sawi hnu, Siaha leh Aizawl inkar khaw tinah a khaw mi zirtirin duty tura dah zel nise, Phone Contact no: Distributor tinah pek ni vek bawk se, harsatna a kiang duak ang tih hi Siaha District mipuite rin leh beisei dan a ni e.

9612588556