Fakselna 20th May, 2020

0
111
views

Pu Zonet, tunlai chu Fakselna hi ka lo en \hin a, a bengvarthlak \hin hle mai. Mahse, ka’n sel ve teh ang, CM Relief fund hman dan rawn sawisel \hinte hian engzat nge an thawh ve hlawm ang le? Min an phal a, an thawh a, a hmangtuten hmanna tur nia an hriatah an hman mek lai hian eng nge lo sel vak vak a ngaihna le? Tin, ram hruaitute demna tur lo ngaihtuah a, lo sel vak vaktute hi engemaw an nih bik le? Lo inenfiah ve deuh se a \ha hle-in ka hria.
Dindina pa

97747 71509

Nimin kan sorkar thuchhuak chu mahni leh mahni inhnial kan va ang leh awm ve maw le. Field, Stadium leh Hall lama insawizawi leh inkhelhte kan phal leh si a maw?! Mi engzah chin nge tih pawh bituk a awm leh lawi si lo! Exercise lak ngai pawimawh kan pung leh thut dawn! Mi exercise lak laiin, “Nangni kha inhnaih s’u, nang kha mask vuah ta che” tiin tumahin min vil dawn lo. Lehmana strict em em laia, lehlama lo ‘huau’ leh si chuan kan hahna kan vawchhe leh chiah. Hotute u, sût leh mawlh teh u. Kan kai dawn a nih rau rau chuan inkhawm min phalsak ula, heng inphal ai chuan kan kai tlem zawk hial ta ve ang.
RS Zuala Renthlei

87948 53411

Pathian thu hi han chhut han chhutin khawvel hi chuan dikna aiin dik lo zawk hi kan vawksa ei duh zawk awm e. Bible Thuthlungthar bu hi han chhiar han chhiar ila, ISUA rawngbawl hunlai, Pharisaite, Sadukaia te, Puithiamte, Sakhaw puithiam hovin ISUA an dawr dan han chhut hian ISUAN dik taka tehkhin thu hmangte, an nihna a thailan deuhte an ngai thei lo a ni maw tia, inlam let, inhmuhchhuah aiin a sawitu kha an haw tlat zel mai a, hemi hi Josefa fapa thingrem siamtu a ni lo’m ni? A unaute pawh kan hria, an ti a, thudik a sawi pawh zawm tum lovin amah an haw tlat zel a, khamah te paih thlak an tum a, ka sawi tum tak chu tunlai khawvelah pawh hian dikna aiin a hrul hret ami zawk hi kan duh zawk \hin a, tam tak chu sakhaw mi tak tak, ram roreltu tam takte, mipui tam takte pawh tumah kan bang lo, a phawvuakah hian kan thamral mai mai zawng a lo ni e. Dikna a lal lo va, thu tak chu kawngsirah a let a, min an pal mai mai zawng a ni e.

Pakima, ITI

Inkharkhip avangin mitinten harsatna kan tawk a, mi in luahtute leh dawr luahtute an in luah man inngaidam tur leh a man chanve te la turin LPS leh ZONET a\angten an rawn sawi \hin a, a puanchhuahna ber LPS leh ZONET hian an ngaidam emaw, a man chanve te hi an la ve thei lo’m ni ka lo ti ve mai mai a.

98625 68984

Pu Zonet, Covid-19 hripui hian min la chamchilh reng rih dawn chu a nih hmel a, eng chena rei nge, engtik hunah nge a kiam dawn lah Pa chauh lo tan chuan sawi theih a ni ta si lo va, a manganthlak zawnga ngaihtuah phei chuan a thawpik thlak takzet mai. WHO lam pawhin a ngaihna hre lovin khawvela cham hlen tur hri nia ngaih theih turin an sawi mauh mai si a, fimkhur a ngai tak meuh meuh a ni. Mizote hi intifing viau e ti lo chuan ngaihsam tak kan ni a, kutsil lam phei hi chu kan peih rei tak tak chiah lo em aw a tih theih awm e. Thil kan hre rei lo va, kan sawi zui reng peih hek lo; he nun zia tak hi he natnaah hi chuan thil hlauhawm ber a ni tlat si a ni. Inthlahdah luat avang zelin kan kai dawn a, inven fimkhur reng a ngai tihna a nih ber chu. He hri hi a awm reng chuan kan nun hian ngaiah a la neih chhoh ve mai te pawh rinna a awm thei awm a sin. Nitin mamawh phailam a\anga kan ch^wkluh, a bikin ei leh inah hian fimkhur lehzual a \ul. Chawhmeh kan lakluh te ngaihsam taka tuai puat puata chhum mai \hin kan nih phei chuan hlauhawm tak a ni. Sorkar lam leh mi thiamte thuchhuakte hi ngaipawimawh tlang zel ila, inthlahdah lo vek ila, kan him a ni mai. Eng chen nge he Covid-19 hri nen hian kan khawsak ho zel dawn hriat a nih loh avangin Chuktuah huan siam dan ngaihtuaha, phai a\anga nitin mamawh ei tam lo tur ang zawnga kan khawsak thiam pawh a \ul e. Chuvangin sorkar sum leh pai renchem thiam zawnga mahni ei leh in lama intodelh kan tum a ngai a ni. Mahni hmalakna \heuh zelah intodelh tum ve hi a \ul lutuk tih i hria ang u.
Serlui Pachuau

87874 87887

Kan lehkha zir dan pawh hi kan thlak a ngai ta. Zirtirtute hian kan zirtir naupangteah hian an zirlaibu textbook hriatchianna chauh hi kan tuh lutuk, result \ha ngawr ngawr neih tir kan tum a, sorkar lah harhchhuak chuang hek suh.
Education hian huaisenna te, tumruhna te, rinawmna te, taimakna te, tuarchhelna leh adt. a keng vek a ni. Chuvangin kan ram siam \ha tur hian kan education kan kalpui dan hi tihdanglam a ngai. Kan ram hruaitute hian bengsikin ngaihtuah ula, kan ram mamawh phuhru thei tur zawngin kan education hi kalpui tum teh u. Chher theih tur mihringah hi chuan sum sen deuh pawh \ul se pawk chhuah a \ul ang. Kan ram hian kawng tinah mi tak tak kan mamawh e.
RK Sanga

94361 90314

Sorkar hmasa leh sorkar kal lai mek sawiselna Politics hian ram a siam \ha lo va, a siam \ha ngai bawk hek lo ang. Sorkar leh mipuite kalkawng dik zawk zawh a, development nasa zawk nei tur chuan kan chhungril nunah Lal Isua a lal ber loh vang a ni tih hi a chiang reng mai. Chu chuan sum leh pai rawngbawl hna te, mi lian mi lal biak \hatnate a hring a, chu chuan dikna a rap bet a, corruption tam tak lo awm phahin mipuite leh ramin tuar dawn mahse keima dinhmun a \hat phawt chuan pawi tih lohna a hring a, chu chuan inepna leh insawiselna a tichhuak \hin a ni e. Politics \ha mi, mipuite rawngbawlsak hna leh ram leh hnam \hatna tur hnathawh \hat lam hawi zawnga kan kal hun a van nghahhlelhawm tak em.
Rinrini pu, Aizawl

94369 76179

Ram pum huapa buaina leh harsatna a thlen reng rengin ram hruaitu lu ber an pawimawh ber a, rorel in hmunpui berah an awm chawt a ngai \hin. Thil pawimawh vanga zin laklawh pawh an programme te cancel-in an haw vat \hin. Trump-a leh Modi-a pawh Covid-19 len hmaa an zin kual nasat \hin tehreng nen, hrilen a\ang kha chuan ropui rel turin an hmunpui berah an tap deuh chawt a nih hi maw le. Ramri depa duty-te an tlawh kual dun dun lem lo. Security reason avang ringawt pawhin kan CM hian ramri hrula Task Force duty-te hi a tlawh kual a rem lo, tlawh kual hi a tih tur pawh a ni chiah lo. A aiawha Minister, MLA leh Official ten an tlawh hi thil kalphung tur chu a ni zawk. Hun harsat lai bera pa ber a zin bo daih zelte’n tunge thutlukna pawimawh siam ang? Lengpui Airport te hi chu hmun leh hmun ang deuh a nia, PWD hi a Department chan a lo ni bawk nen, Airport hi nakin lawka kan chhawr \angkai leh em em tur a ni a, thlawhna service loh lai hi repairing hnathawh remchan ber hun a nih avangin kan CM-in a ngai pawimawh pawh hi thil awm tak a ni. Lengte huan tlawh duh vang mai chu a nih loh hmel. “Lockdown chhung chu kei pawh ka huanah ka feh tlut tlut mai” titu kha Pu Duha hi a ni lo maw?

96126 23776

Kan China Virus avanga mi mangan, tangkhang leh duty ringawt CM fund pe lo hian sumdawngah pawh nitin eikhawp dap lehnghal hi kan ngaihtuahpui ngaiin, an dinhmun hi kan hriatpui phak em? Vote nei ve tho an nih hi. Heng ho hi nuai thum mai ni lovin, nuai nga tal pe thei se tih hi kan lo thlir e.
Serchhip Product

98621 30116

Mizoram pawn a\anga hnamdang lo luh kan hlau hle a, ramriah kan tlawmngaite an duty tlaivar zantin a ni a, chutihrualin chawhmeh kara inthukru, motor Driver puitu niawm taka rawn inphurlut, a ruka rawn lut ru an awm tih thu kan hre ve reng bawk, kan mithiamte lahin “he hri leng mek avang hian hmasawnna leh sum dinhmun a tla hniam thei a ni”, an ti ve bawk. Chuvangin Mizo mai ni lovin Mizoram khua leh tuite kan \anrual a hun takzet mai. Hnathawh tur nei pawhin hnamdang hnathawh tur zawnga lo lutte chhawr lo hram hram ila, Mizote pawhin hnam leh ram a borala a tlukchhiat ai chuan hnathawha mi hnuaia inhlawh i hreh lo ang u. Hnathawh tur an neih loh chuan state pawna miten lo luh an tum lo anga, Mizorama awm sate pawhin awm reng ai chuan min haw san mai ang. Mizoram pawna sum luangchhuak tur kha kan khuapin ram chhungah sum a leng vel ang a, a che vel ang a, chu chu kan hlawkpui dawn a ni. Harsatna kan neih tur tam tak pawh a sukiang ngei ang. Covid-19 vang hian harh thar ila, ram mipuite hian kan ram tluchhe mai thei dinhmuna ding mek hi kan tungdingin kan chhanchhuak thei a ni tih i hre thar \heuh ang u.
LT Ralte

98620 07651

Kan pu Rama leh a hote chu min \anpui emaw kan tia, electric bill lamah a man min laksak leh vek tho a lawm le. Ramhmangaiha

7640997149

Hripui leng zet chuan kan ruahman lawk leh tum loh lamah min kuai herin hawi zawng a dang ta hu mai maw!!
He hun lo thlengah hian state danga awm Mizo fate mahni ram leh chhungte awmna lam panin inlo haw khawm mek a, Mizoram mipui leh inchhungten kan lo lawm a che u. Amaherawhchu, sorkarin inkaihhruaina a siamte inzawm hram hram dawn nia. Tin, he thu hi ka rilruah a la cham reng mai. Tu ram leh tu State-ah pawh inkal leh a nih pawhin in awmna state \heuha Mizo Welfare te biain Mizo pawl dinah hian tel ve ula, inawm hran avang leh kan State pawna inawm avang khan in Mizopuite rilru hliam thei leh mahni hnam rilru hliam thei turin hnamdang lakah fimkhur tawh ula, tin, he kan ram neihchhun hi inlo haw lehna tlaka he hripui laka a him theih nan thlipui leh ruahpui karah mahni in lum leh chhungte kalsana venghimtute hi, “ka ring lo” tia insel \hin, MIZO NULA leh TLANGVAL ten an lo veng him hram hram a ni tih hi theihnghilh ngai tawh suh u. Mahni HNAM hmusit \hintute hi khawi ramah mah an tuitla ngai chuang lo tih hi kan hre \heuh dawn nia. Mizo hnam dam reng rawh se.
MIZO LUSEI TLANGVAL

9612177589

Ruahtui a tla \an a, ram riak leh riak lo tan pawh sikserh a hlauhawma, Pu Rama hian sorkar laipuiah chloroquine hi sem tur emaw, lei tur emaw chah se a va \ha awm ve. USA-ah tam tak an thawn thei tho sia te ka lo ti ve a. Covid-19 tan pawh a \ha an tia.

8974965038

Covid-19 boruak lo lam daih ka’n ti teh ang. Hman deuh khan private hospital 1-a thawk an nula an rawn fakna ka hmuh kha keini chhung pawh hian kan tem ve ta ngei a, an sawi ang deuh khan kan tan chuan Angel a ni tlat. Kan fapa damloh thuah Ebenezer lamah hmanhmawh takin kan tlan thlaa, pawnah min lo screen a, an hospital kan vawi khat kalna a ni nen, kan zam ru viau; a chhung kan lut a, an reception lamah pawisa pekna tur kan tihfel hnuin kan kalna lam tur melha kan lo hawi at lai takin Pi Diana kan tawng hlauh, polite takin ‘Ka pu eng ti turin nge inlo kal, puih theihna che u ka nei em?’ tiin min han zawt mai chu a hmaah khan tluk hnawk mai kha chakawm a sin. Min han hruai kual zung zung a, tihdan tur min han kawhhmuh a, aw….an hospital luh dawna kan han zam tehreng nen kha nula kan han tawng fuh kha chu kan thlawk delh delh hi ni ringawt. |hat lam kan pan ve deuh a, zing kar lutuk maiah kan buai leh, damdawi in no kan neihah phone an pick up mai lo, Pi Diana bawk chu kan han call a, khatiang darah fel fak maia min lo chhang thei lehzelte kha Ebenezer Lalpa’n min pui a ni tih loh theih a ni lo. Damdawi in pan manhla tak an ni ngei e.
Rinpuia, Aizawl

6909355020

Kan ram intodelh kan mamawh zia chu tun hripui leng lo thleng hian a tichiang hle mai. Hman a\ang khan tih tak takna te hi kan ram hruaitute hian lo nei sela aw. BAFFACOS/PEACE BONUS leh World Bank sum an hnuh chhuah zozai te kha intodelh nan tih tak takin han kalpui sela chuan tuna midang demtute hian a rahchhuah chu kan seng tlang tawh ngei ang. Kawng engkimah khua hi a var dawn lo a nih hi kan ramah hian.
Om Omi Pu

9862322234

Chanchin thar puan laia fakna inrawn zep thla zen hi chu zaidam a har deuh mang e. LPS pawhin chanchin thar puan laiin an dah lo va, nang ni hi eng inti bik nge? Tualchhung, Ramchhung leh Rampawn inpuan karah hi chuan dah ni ula kan phun peih bik lo. Zonet pawh a hrehawm phah em mai a!
MARCUSA NI

8974230098

Covid-19 hripui len laiin party inbeih ka ning lo ti ve sek ho kha inhre lo deuh ka ti. US khu a tuar nasa ber an ni a, an inbeih nasat zia te khu. Ramin harsatna a tawh nasat poh leh ram hruai mektu fel loten beih an tawk nasa \hin tih hi lo hre teh u.
VALA

8731970235

ZPM ten CM Pu Zoramthanga’n mipuite a thlamuanin a tlawh duh lo an ti a, lo tlawhkual ta ang se tun ang inkharkhip hunah CM berin dan a bawhchhia an ti leh si lovang maw? Tuna Lengpui Airport tihchangtlunnaa hnathawktute vila a kal an sawisel ang hian “Vak kual vak kual ringawt, engmah ngaihtuah lo” an ti leh thovin ka ring tlat. Kan CM hian Saipui kal lai bauh din mai mai theih loh inti ve ta se heng buaina kara sel tur zawng reng ho hian engtin nge an ngaih ang? He hri hi an chungah thleng ta ang se tunge an belh ang? Sum dinhmun hriat te, intlawhkual vak vakte hi kan himna atan a pawimawh ber em?
Tlabung Uitangrual

9862014844