Fakselna 21st May, 2020

0
1113
views

Kan sorkar hian sum a indaih lo em em sia, phai a\anga lo haw, quarantine ho hian an ei man hi a chan ve tal hi chawi ve se a awm khawp mai. Engkim a thlawnin an tihsak vek mai hi chu mipuite hian kan tuar phah ve thei tho sia, Quarantine Centre-a awm ho tan pawh hian a na vakin a rinawm loh. Phaia awm thei chin hlir an ni bawk a, harsa deuhte erawh chu sawi mai thung se.

7005873180

Kan ram hruaitute fiamthu thawh duhdan hi chu aw! A nuihzatthlak viau rualin, ram aia mahni lansarh leh mahni pawl larna ringawt an buaipui hi chu a lungchhiatthlak \hin teh e. Insawifiah ngai reng maite, min telh ve lo tih reng maite hi engtikah mah insim dawn si lo va, inva lainatawm tak em! Ram hmangaih angin inla insawi ve ngam ta dah a, Zahna chang hre ve em em tawh teh u khai.

8413024376

Inthlang ram kan ni a, vote kan thlak hian intodelhna hawi zawngin vote kan thlak tawh ngai em? Intodelh pawimawh zia hi thu chauhin kan hria a ni mai lo maw? Kum 3 chhunga intodelh tihte kha a thluk chu a mawi ngawt mai.
The Aspect

9366116319

Rom 13:1-2 thu hian zawm a va hlawh lo em em ve le? Zirna sikul neitu ringtuteah hian Pu Zonet pawl 11-ah eng sikul mahin thu leh awm hma chuan admission tih rih loh tur tih mawlh mawlh laiin an sikula admission ti tura ualau taka tlangau chamchite hian kan sorkar hi an va cho khang khang ngai ve le. Ringtu tak leh Mizo zia a ni thei dawn em ni aw?
THUAWIHDUHA

9774373679

Lockdown an tih apiangin khuahkhirhna an thlahdul hret hret a, Coronavirus vei kan tam tial tial mai si a, he thil hi a inkalh inti ve lo maw? Vei kan tam chuan khuahkhirhna a khirhkhan hle tur a ni dawn lo’m ni? Chhungtin hi i fimkhur zual sauh sauh teh ang u, kan rama Coronavirus a len loh nan.
Vena Pu

8787499535

Bamboo Development a sawi mawi leh tawh kan Pu Ramtea hian a awmsa hman \angkai dante hi thinlung taka ngaihtuah a hun fe tawk zawk a lawm le. Nge ni sum siamna tur zawk? Khua hi a var har dawn mange kan ram hruaitute hnuaiah hi chuan.
Om Omi Pu

9862322234

A hmasa berin Zonet vul reng rawh se. Keini thingtlang pa-in duh duh kan rawn auchhuahpui theihna tur Fakselna inbuatsaih hi a va lawmawm tak em. Ka vei zawng ka’n au chhuahpui ve teh ang. TV home crusade a zo taa, mahni chhungkua, in leh lovah \heuh rawngbawlna home crusade kha speaker atan PATHIAN hmangin hun i hmang \heuh teh ang u. Tin, tun hunah hi chuan intodelh kan tum a ngai, tun hma khan kan ram hruaitute khan intodelhna hi tih tak zetin lo kalpui tawh sela chuan ei leh barah na na na chuan kan buai lo tur.
Nghaka Pachuau

9862419552

Congress MLA panga (5) te chu inti \ha-in infakawm hle mai. Pu Ramte nang pawh hnunglama mit nei ang maiin i hman dan kha fimkhur rawh aw. Speaker leh Pu Zira kha pun zel ang che. Anni khan Congress thluak an man tawh viau ang a, i chesual dah ang e.
Peka pu

8837399040

Khawvelin COVID-19 hripui a buaipui mek laiin, keini Mizoram pawhin nasa takin kan phak ang tawk tawkin hma kan la \heuh a, a \hen ramriah rammuin an riak chhuak a, kan sorkar pawhin an tha leh tui an ngaihtuahna tam tak an seng. Chutihlaiin party \henkhatte’n ham\hatna zawng ang hrima hma an la \hin hi ram roreltu nih tum leh tan chuan hripui len lai chuan thil tih awm loh tak a ni. Mizo mipuite’n kheuh beuh siam tum hrim hrimte erawh hi chu ensan ngam a hun ta hle-in a lang.
Isaka pa

8730801263

Fakselnaa LT Ralte inti khan kan state-a vai inhlawhfate avang hian kan ram sum leh pai phai lamah tam tak a liam thla \hin hi a \ha lo tia i sawi kha a va dik tehlul em, kan thlawp thlap e. Chu chang a la ni hleinem, Central lam mai pawh ni lo, tunah ram hrang hranga Mizo inhlawhfaa awm, thla tin an nu an pate pawisa Rs. 20,000/30,000 dawn rawn thawn \hinte kha an rawn chhuak vek tawh dawn a, chuta kara vai hovin kan sum min pawh hek sak leh phei chuan kan rama sum leng vak han tlem dan tur zia hi SAWI NGAIHNA PAWH A AWM LO. Vai ho hi chahchhuah tawh loh tur a ni tawp mai.
Tlabung Uitangrual

9862014844

Inkharkhip pawhsei leh tur thu kan \henawm pa-in a han hre zet chu pawi hi a han ti khawp a, heti hian a ti. Kan tlangval thatchhe zet mu hun reng mai kha inkharkhip puan ni a\ang khan a leng chhuak reng mai a, a mu hman ta reng reng lo mai. Min timualpho takzet a ni. Inkharkhip hi hlip se a mutna pangchuamah rinawm takin va mu leh hle hle se kan ngaihte pawh a \ha mah zawk ang. Hetiang hrimte chuan hripui pu darhtu ber ni hial zawk awm a ni ngawt a lawm, kan mualpho takzet a ni a ti hlawih hlawih a, hetiang mi hi kan tam fu ang tihte min ngaihtuah tir vel ta mai mai a.
Tlangvala

9862349117

Inkharkhip laiin field-a inkhel, insawizawi adt. an phal leh sia, social distancing chu a va hla dawn em. Pute u, hei hi chu sut leh lul teh u. Hetiang inphal a nih chian Biak Ina inkhawmte hi phal law law ula. Heti chuan infiam duh hrim hrim vang ni lovin field leh khawlaia kal an tam viau ang. Engmah hi khap lo law law ula kan tawn tawn chu tawng ila a ni mai a lawm. Han inngaihtuah nawn leh teh u.
Aizawl Nu

96129 07066

Him tawkah kan inngai ang tih a hlauhawm hle mai. Hmelma-in min r<n tumin min chang reng tih hi kan hriat a duhawm; kan thlamuang sual ang tih hi a hlauhawm hlel lo ve. Kan entawn atana \ha ka tih ve mai mai chu Nagaland State te hi an ram mipui state danga awm mi 2,668 lai chuan kan rama hri thehdarhtu leh kan mi leh sate ti ral\itu nih ai chuan tiin an thlakhlelh em em an rama haw lo turin hming an pe lut a, chung ho ngei chu niin ka hria hnam pasal\hate chu.
Chhaktiang Keite

76279 14601

Kan ram hi chu insiam\hat ngai a va tam em. 1) Cancer vei tamna ber ram ka ni hi zahthlakah pawh kan ngai lo, zak dawn mah ila, tihngaihna a awm chuang lo. 2) HIV, sex leh drug hluarna ram. 3)Eirik hluarna ram. Heng point thum, cancer, HIV, eirukna hi kan insiam\hat hle loh chuan keimah ni-ah \heuh kan tihsualnaah thungrulhna fel tak kan la dawng \heuh dawn a ni. A pumpuia hremna ang zawng hian action lak tur ang hian kan sawi \hin a, a ni lem lo.
A ram ang hian Pathian ringtu ram si cancer vei kan tam em em mai te hi a zahthlak hle a, HIV te hi kan tam em em mai a, kan insiam\hat a ngai hle. Eirukna te hi Kristian ram sia-ah a hluar em em mai hi a zahthlak hle. Sawi sawi mah ila, kan insiam\hat loh chuan kan nasa lo viau ang.
Pakima, ITI

70054 47128

Tun \um chu duh taka kan thlantlin MLA te hi sel teh ang. Hripui kan hmachhawna, mitin kan buaiin kan harsa em em a, kan thlantlinte lah chu an \angrual dawn emaw tih laiin media lamah an inbei vak vak mai a, ka rin aiin an lo nep ngawt mai. Congress MLA te hian an thla khat hlawh Covid-19 do nan an pe a, ruling lam hian engtin nge an tih ve dawn hriat a chakawm hle mai. Tuna speaker ni mek leh Pu Zodintluanga phei chu an inkap deuh sak sak a, speaker hi hmanni lawk khan Congress-ah phur takin a thawk a, tunah Congress hi MLA 34 a\anga 5-a an tlak thlak thu a sawi phei kha mak tih a awl. Kan MLA te hi rampum kan buai lai hi chuan politics hian inbei vak vak lo se, opposition hi \ha tak an awm loh chuan khawi ram mah hi an rorel a dik hlei thei lo. Kan ram phei chuan Central a\anga pawisa kan hmuh \hat hian kan phur zo chiah lo niin a lang.
Johan Lalrinawma pu, Saron veng

94363 92544

Kan sorkarin VC thlan a sawn hla ta rau rau bawk a, VC term kum nga hi kum thumah pawt tawi leh hram teh u. Tin, hmeichhe tan seat hauh sak hi rawn tidanglam bawk ula, keini thingtlanga chengte tan chuan a tihzia ngawt ang. VC term kum nga hi chu thingtlanga chengte tan chuan a rei lutuk deuh a ni.
Thingtlang pa

60090 65946

Pu Zonet Covid-19 dona atan hian pawl hrang hrang leh sorkar hnathawkte hian CM relief fund-ah hian pawisa hi an chhung lut deuh reng a, sorkar hnathawk phei hi chuan a pawl ang leh a department angte pawhin an la chhun luh zel hmel lehnghal a, hei hi a petute rilruah pawh hripui laka invenna atan an tih deuh vekte pawh a rinawm. Chuvangin, CM relief fund ti ngawt lo deuh hian Covid-19 CM relief fund tihte hi tun boruak bikah hi chuan awm sela a \ha phian lo’ng maw? CM relief fund tih ringawt hi chuan thil dangah pawh hman theih a nih dawn avangin a petute rilru anga hman a nih ngei theih nan Covid-19 CM relief fund tih deuh kher hi awm sela tih ka’n rawt thawr e. Pu Zonet eng nge i ngaih ve dan?
Pa Mawitea

98623 44897

Pu Zonet, nizan chanchinthara Mizoram Truck Driver Assn. ho thuchhuah kha a finthlak mange ka ti. Essential Commodities phurtu Vaihote hi an zalen viau a nih chuan a ruka kai awlsamna a ni tlat mai. Bairabi Rel a\anga ch^wkluh dan a awm thei a nih ngat chuan Vairengte lam chu a khat pharh ngei dawn a, chu tak chu a \hatna a ni. Drivers hote ngaihdan hi a field-a thawkte an nih avang hian ngaihthah ngawt chu a thiang hauh lo tih hi thuneitute lam hian ngaihtuah ran a pawimawh tih hi hria sela a lawmawm ngawt ngawt ang. Infinchhuahna kawngah hian a \ha zawk tur thlir thiam a, kan kal thiam hi kan ram mamawh ber a nih tawh hi maw.
Serlui Pachuau

87874 87887

Mihring hian inchawimawi chiam hi kan zo lo. Fakselna huanga kan insawisel bawrh bawrh hi ngaimawh tur a ni lo. Dawt hlang hi chuan kan insawisel khat viau ang. Chuvangin insawiselna hi mahni inbihchian nan hmang a, a sawisel ten insiam\hat nan kan hman chuan chaw a lo ni mai dawn a ni.
RK Sanga

94361 90314

Tunlai hian DM&R Dept. lam hian tangkhangte buaipui turin sorkar hnathawkte an requisition mawlh mawlh mai a, a tam ber chu dept. pawimawh tak taka hna \ul tak tak thawkte an ni a, hetihlai hian sorkar hnathawk, inkharkhip avanga engmah thawk lo, hlawh tam tak tak la reng tho si, primary a\anga College thlenga zirtirtu, mi thiam, zuanzang leh hman tlak tam tak an awm tho sia, heng mite hi enga tinge an hman \angkai mai loh le? Tunah phei chuan Zirtirtute zawkin mi inhuamte in-report turin an inti hial tawh a, a lawmawm khawp mai. DM&R lam pawh hian hei hi lo umzui se, sorkar hna a buai phah lo zawk ngeiin a rinawm.

98628 09417

Kan sorkar hi an hlawh tihpun, motor lei leh MLA Fund tih pun leh lap top sem vel avangtein ka beisei sang lo. Kawng an timam \ha hi chu an fakawmna awmchhun niin ka hria. Covid-19 hri lengah hian an che \ha deuh hlek bawk. Mahse state dang tluk lohna an neih leh an chet \hatna han buk hian duhthu an la sam lo hle. Lo haw turte lo haw-na man leh lo haw lo turte \awiawmna pekah state dang an tluk lo nasa ka ti. State dang chuan an haw-na man bakah haw lo turte cheng sing tel pe-in an \awiawm a sin. Covid-19 hri lengah hi chuan kan sorkar aiin mipui kan che \ha ni zawkin a lang. Hri leng vangin zonunmawi a par vul mek a, Zonet hian kan ngaihtuahna min siam \ha thei programme \ha tak tak min chhawp chhuak reng mai hi beisei phak baka Pathian hnathawh lo lang niin ka hria a, Zonet chungah lawmthu ka sawiin duhsak malsawmna ka hlan a che u. Rial den vanduaina tawkte min hriattir bakah ramri vengtute, thlaithar chingtute leh thangnang khawngtute nen lam min hmuh tir hi intlawmngaihna leh kan ram \hatna induh vang a ni a, Video thla laa harsatna kara zin thei zel turin Pathianin malsawm zel che u rawh se. Zoram economic hmakhua thlirna leh kan IAS-te inkawmna khan rah \ha a chhuah ngei bawk ang. Kan ram riangte hi neitu rilru pua hmangaih taka kan enkawl chuan state intodelh ber kan ni thei tih inrawn phochhuak niin a lang ta reng mai. Career Planning nen lam min entir a, kan lawm e.
Mr. Mipui

98623 61451

Khawi nge mahni rilrua awmte ka’n phuh chhuak ve teh ang. Covid-19 avanga khawvel leh he kan Zoram ngei pawh kan buai ta mup mup mai chu a nia, nuphung a khaihhlak nasa em em a, he natna laka kan him theih nan nasa taka hma latu Mizoram sorkar leh NGO te, Mizoram Police leh IR te zawng zawng hmalakna leh in pekna hi a ropuiin a thlamuan thlak takzet e. Tin, sawi hmaih hauh loh tur ramri vengtute hi an va fakawm tak em. Ram lailia awmten an mahni avangin thlamuang takin zanah tui takin kan mu a, khua a lo vara, mahni hnate kan thawk thei a, chutihrualin ramri vengtute erawh chuan mutmu pawh tuah mumal lovin Mizoram mipuite he hri laka kan him theih nan an hun leh tha sengin nitin zantin ramriah hun an hmang a, ka va ngaisangin ka va chhuang tak chu em. Intan kei tehlul pawh hian Pathian hnenah ka lo \awng\ai sak ve \hin che u a, mahni hna \ul tak takte dah \ha ngama Mizoram mipuite kan dam khawchhuahna tura inthawhrimna leh inhahna zawng zawng hi Mizoram mipuite tan hriatreng tlak a va ni em. Rawngbawlna ropui ber kan ti lo thei lo, chuvangin Mizoram mipuite hian kan sorkar hruaitute thu awih leh ramri vengtute thawhrimna leh hahna zawng zawngte hriain thuawih taka awm hi i tum tlang zel teh ang u. Ram tana hnathawktute zawng zawng Pathianin vengin kaihruai zel che u rawh se, intan kan lo \awng\ai reng dawn nia.
HC Thangi CL

60095 76283