Fakselna 16th May, 2019

0
49
views

Nuai 4 vel kha khawiah nge a awm? Ni za inhlawhna a ni sia.
CHAWNGTEPA

7085775436

Ram chu Lalpa ta a ni tih hria se, a enkawl tura awm sorkar pawh hian fimkhur takin enkawl rawh se.
Duata pu

8730099759

Chhimpheiah hian enga tinge power hi a \hat loh tak em em mai le? Sorkar thar tiin beiseina sang tak hnuaiah kan thlir a, ze \ha lo an chhuah leh zawk dawn nge? Bialtu hian a chhan chhui se, thlipui tleh loh lai pawn a thi reng mai.
Chhimphei pa

8837410439

MNF Sorkar chu sumah a tal buai \an der chu a nih hi. Cheng nuai thum chu engtikah tak sem ang maw? A….Keichu an sem tak tak ka ring thei lo reng reng.
THINGTLANG PA

9436771584

Bangla Border ngaihpawimawh vanga Forest Minister, Pu TJ Lalnuntluanga’n Kawrpuichhuah a rawn tlawh hi kan va lawm tehlul em. He Border Trade hi a hlawhtlin hunah chuan Silchar lama Rel leh Motor-a manto tak taka lak luh thil kan lei \hinte kha lawng lianin man tlawm te te-in bungrua a rawn phurh thlen mai bakah, thlai, thing leh mau hralhna revenue-a a lut tur te leh Bangladesh Lushai Hills-a Zohnahthlakte awmna te khu Lal\anpuia’n Zoram khawvar hun a tih ang khan kan tuaithar leh pah thei dawn tihna a ni a. Chutihrualin, Forest Department hmel pakhat mah an lang lo erawh mak kan ti hle.
Tlabung Uitangrual

9862014844

Ui hur ang maia mawngzawm tur zawnga phe reng mai kaihhruaina hnuaiah hi chuan \ha taka inzawm khawm chu a phurawm lem lo ngawt mai.
Carolini pu

9862216410

Thla ruk em pawh sorkar hmain pawsa lamah kan buai der mai maw? Treasury min kharsak lovang tih pawh a sawi theih ta lo ve. Congress sorkar pawisa dah sa an hmang a, nuam an ti lutuk a, hman chin tawk an hre lo a ni ber e.

9862333129

Mi \henkhatin, mi dik lohna lai leh thinlung ti na zawnga thu thehdarh te, Fakselna huangah pawh tih loh leh chin tam loh atan a \ha ti ang zawngte-in thu an sawiin an thehdarh \hin bawk a, keichu ka ngaihdan a ni ve miah lo. Mi dik lo na na na chu an mualpho tur a ni. Entir nan, Pu Hawla paw’n ka chhungkhat laina pawh ni se, ka chi pui pawh ni se, Congress an nih loh chuan enga tan mah ka ti lo a tih ang chi te kha sawi sawi duh an awm reng anga, ka dem hauh lo. Mizo nunphung leh zia pawi sawina a ni miau a. Fak tlak kan fak anga, sel tur kan sel bawk anga, chu chuan ram leh hnam a siam \ha ang. Na taka hrem ngai pawh na taka hrem mai tur a ni. Chanchin chhe nei pawh kan sawi reng bawk anga, hming mawina nei pawh kan fak reng ang.
SANGA

8014499153

NSUI-in MNF sorkar an hek thu chanchinbuah kan lo hmu a, a bulbal chu engpawh ni se, an hna a \ha lo a ni tih hi kan ramah chuan inhekna point pui berah i hmang ang u. Dan bawhchhiatna thuah pawh hna a \hat tlat chuan ngawi bo mai mai hlawm thei ila a \ha. Kan ramah hian vantlang pawimawh hna, lei dawh te, kawng siam te, building sak te leh adt. chhe tak tak a tam em em a, nunna hial chan phah lah a tam. Hawh u, tun a\ang chuan tu sorkar pawh ni se mipui hi huaisen taka awmin mipui tana hnathawh tawh phawt chu a chhiat viau chuan ualau takin i sawisel bawrh bawrh zel tawh ang u.
RK Sanga

9862366590

E….khai Pu Zonet, hei pui kum 2019 May thla chu a chanve ngawt kan hmang zo leh ta der mai. Kan CM turu takin May thla tawp lama Assam Rifles ho chhuah tur thu a sawi kha tunah chuan a uih zawn ang vut vutin an inpuahchah rup rup tawh ang chu maw? May thla hi khawvel awm chhung chu a awm ve hmel si a. Pu Zova khan engtik kum May thla nge tih a sawi si lova, kum 3019 May thla tawp lam daihte hi keini ho hian kan lo thlir ve vau vau palh ang tih te pawh hlauhthawn awm ve thir ther deuh a nia, kan thil lo tawn tawhte a\anga thlirletin.
Tlangvala

9862349117

Pu Zoramthanga hi BJP ho hian an bawl nge Mizo mipuite hi BJP te hian min bawl zawk? AR sawn tur an ti hluaia, a zuzi leh \an ta em ni? Burma vawk lak luh loh tur an tia, a lut renga, vawk pawh a la thi reng. Pawisa tamzia a sawi renga, mipuiah pawisa a vang reng. |awng umpha lo an tih hi a dik zel dawn em ni le?
Chawnghlut pa

8794259880

MIMER chu Zoram Medical College tiin an lo thlak ta chu a nia. Pu te u ZORAM ti lovin MIZORAM tal ti teh u, mipui kan rilru a na a nia. Hnam dangin ZORAM an hre lo, MIZORAM chiah an hria. MIZORAM MEDICAL COLLEGE tal ti turin Pathian hmingin kan sorkar ka ngen e. A nih loh chuan AIZAWL pawh hi ‘ZAWL’ tiin thlak law law ula. Kan lo ngai chang reng a nia.

9612907066