Fakselna 28th May, 2019

0
39
views

Road Safety Week kan ti a, mipuiah him taka lirthei khalha, him taka tum ram thleng turin kan zirtira a \ha hle mai. Chutihrual chuan mipui nawlpui ni lo, Minister, MLA, inti VIP chin deuhah hian inzirtirna hi kalpui nat deuh bik ni se a \ha ngawt ang. Heng inla VIP ho hian traffic jam karah te, khaw kar kawngahte chak tak takin lirthei an khalha, a hlauhawm a ni. Home Minister zuitute hial pawhin nunna an ch^n tawh kha. Hruaitute hian hma hruai zel se, mipui chuan kan zui zel mai ang.
LT Ralte

9862007651

Tunah kan officer lian tak pakhat chu eiruk thubuaiah kum thum chhung tang tura tih a ni a, a tang leh ngut a nge maw chu?! Amah Pu Lalduhoma sawi dan takin, vawi khat mah sunday sikul kal ve ngai lote hian an sum lakluh leh khawsak dan inmil lo lutuk te hi han chhui se a \ha berin ka hria.
RODY PA

9862450070

Pastor Chhawna inlarna a dik zel mai. Necktie awrh ten ruk an la ru ang a tih chu kan Mizopa ngei, IAS val chu a eiruk chungchang hailan chhuah a ni leh ta maw?! Tuar ngei mai teh se, ei sen loh khawpa tam hlawh chhuak, thawha phu lo hlawh chunga la eiru duh chu sawi mawi hram dan ka dap thiam lo, a pawiin a zahthlak tawp. Hetianga Court-in a thiam loh tawh hi chu a sang tel mai ni lo, a nuai tel tam tak a ni zel lehnghal.
RK Sanga

9862366590

Champhai khaw chhung kawng chhiat vanga kawng dunga buh phuntute kha Pu Rama hote an nih kha. Tunah kawng chhia a awm vaih chuan Pu Hawla uisathiam rual hote hi an bauh ring thei hle ang. Pu Rama hian a lu chungah meiling hi a chhek khawl mai ang em? Ngam loh chala chil hnawm chu naupan lai pawh khan kan pawr laih mai zawng a nih kha.
RZA Ralte TD

8730841016

A pu Ramte kan pu hmasa anga \awngkam duhdah hmang ve mai mai suh aw. ‘Saipui kallai uitang +rual bauh din chi kan ni lo’ tih te, ‘mi rethei ho hi ka VIP te an ni’ tih ang chi te kha ram hruaitu lu \awngkam atan chuan a mawi lova, chapo \awngkam a ang tlat. MP leh Bye Election-a kan chakna chhan hre chungin rinawm tak leh dik takin kal ula, kum nga dangah pawh beih vak a ngai dawn lo nia.
Dampa Uitang

8974244232

Fakselnaa MNF sawiseltu an tam em em nachhan nia lang chu Congress hunlai kha chuan an mi leh sate ni lo, misual awm \ha duh lo leh Party dang sorkar hnathawk an tana hnawk nia an hriat te transfer mai pawh ni lovin, hmun \henkhatah te phei chuan an aiah an mi leh sate an dah hmiah mai a. Tun sorkar tharah hi chuan khatianga hlauh tur an neih tak loh avangin ba sa ngama ngam ve hrim hrimtu an tamin, mipui thuhmun fo theih lohna ramah hian kal ngaihna reng reng awm lo leh party ngei pawhin a la tuar thei mai ang tih hlauhawm khawpin thu leh hla a la tam hle dawn ni berin a lang ta.
Tlabung Uitangrual

9862014844

Kan ramah hian MLA bial 22 lai mai Hindute nena \angho tur kan han nei ta mai chu a nia le! Kan Lal Isua hian Amah lo chu tumah bel lo turin ringtu zawng zawngte min hrilh mawlh mawlh laia milem betute kalsan phal lotuten Isua hming an lam ve tho si hi engtin tak ngai ang maw?
Thlirtu Mitfima

9436754005

Kan ram Kristian ram, Isua Krista ringa a hnung zuitu, Krista zirtute inti sia party ruihchilha, a chhia zawng zawng bela inchirhtheh vak vak hi a va kristian zia lo \hin em! Dik taka thawk ram hruaitute chu hai rual an ni si lo. I ti ve lo maw Pu Zonet?

Thlirtua, MV

8258950604

North East-ah lehkhathiam tamna ber kan nih kha kan inchhuang ve em em a, mahse kan ram tana thawk tur erawh kan vang hle thung. Lehkhathiam tak, ram tana hman tlak loh kan tam lutuk. Entirnan High Court member emaw tal ni ila, tuna raltlante hian min nek ngam hauh lo ang. I ram leh hnam hmangaih tak tak i nih chuan hetiangte hi vei phak la kan ram a dam ngei ang. Tin, hma kan sawn deuh ngei ang.
Fela pa, KK

8118904367

E khai Pu Hawl, i sorkar lai kum 2018 chhung khan Siaha khawpuiah LPG GAS vawi hnih chiah insem thei a, Pu Rama chuan kumin kum chanve hma-in vawi li a sem tawh. Ram hi an lo hmangaih tak tak a lo ni e. Kan kawngpui pawh RULNGAN PA ang zar a ni tawh e. MADC mipuite kan va lawm em. MNF, dikna-in rorel reng rawh.
Sawmsawma pu, Siaha

7085848184

Nakkum 2020 kumah inthlan kha a awm leh dawn em Pu Editor? Lo awm leh ta ang se ZPM leh Congress hi an la thawk ho ang em? Kei chuan mal fiah ka duh tawh.
Bututa, Aizawl

9862384183

ZPM leh Congress ho chuan B^k an inkhawi \awm a, a tawpah khawiah nge riah r<n a rem ang tih lo thlir reng ang u.
SANGA

8014499153

Fakselna chhiartu i fakawm e. Zokhua ni lovin thingtlang a\angin ziak leh chhiar thiam sawih sawihin Faksekna kan rawn thawn \hin a, mawi takin min lo chhiarchhuah sak \hin a, inchungah lawmthu ka sawi e. Tin, Fakselna tih hi Mizo \awng dik zawkin ‘Fak leh Selna’ tia thlak theih ni se a lawmawm ngawt ang.
ZNG Chhakchhuak

9774709214

Programme kar laka fakna inrawn tih chhuah \hin hi \ha ka ti a, mahse au vak vak erawh a over mah mah a ni. Matress rawn faktu nula hian aw pek tawk a hre khawp mai. Ngaihtlak a nuam. Mi pangngai hi rawn hmang hram teh u.
Carolini pu

9862216410