Fakselna 29th January, 2018

0
319
views

CM, Pu Hawla Guard-ten Sihphir pa driver kut an thlak tih thu hi an sawi thangchhe riau mai a. Pu Hawla \an vang ni hauh lovin, Sihphir pa pawh kha a inti ngeng ve lu deuh a ni lo maw? A reng reng thu-ah RAM KHAT hruaitu lu ber an ni ve a, lo ngaih pawimawh leh zahna lantir hi khua leh tuite hian kan tih ve tur asin. Kut inthlak ngawt kha chu a dik ber hauh lo. Amaherawhchu, thupek leh \awngkam \ha-in a daih chin phak thlenga RAM BUNG khat hruaitu ve meuh pawisak lohna lantir erawh a dik bik miah lo. Chutih rualin Congrees party Media Chairman khan Media ho hma-ah khan DAWT tih chiang sa a sawi mai le? Party dang ho thiltih vel dan leh \awngkam hman duh dante hi a \ha lo ka tih zawng tak a ni. Lehlam an fuihpawrh a ni ngawt alawm. An party chhunga thil thleng ni ve ta se, tharum thawh leh \awngkam chhe tinreng hman pawh an hnial dawn hauh lo tih an hriat tlat. A tu-a pawh chu ni se, ram hruaitute hi mipuiten duh taka an thlante an ni.
Bawiha pu
—————

ITI mi hmeichhia, kan Mizo pui ngei, lirthei hmanga thingtum hnuha hnuh chiam mai kha a va lainatawm tehreng em. Kan ram thil thleng atan ka va duh lo ve le. Ram danga thlengah pawh ka duh thlawt lo. Kan sorkar pawh inenfiah se, misual hremna pawh hi na tawk takin lek ngam teh se, kan chhe telh telh palh zel ang e.
RK Sanga
—————

Hmeithai leh fahrah siamtu chu mipuite nghahhlelh ang ngeiin kumin hian a term a lo tawp dawn ta. Zofate kan lawm e. Hmeithai leh fahrah rethei tuam dam tur leh ram hmasawnna hnukpui chhawpchhuak tura Central hotu liante hmaa Pu Rama leh Dr. Thangtea te han pharvai leh hun tur chu ram mipuiten Tlumtea thlir takin kan lo thlir fan fan e.
9615009954
—————

Mi rethei zu zuar in kan kalhsak, kan hnawhchhuah lai mek hian khan officer lian ho mipuite chan ai ei ru ho, rukru hausa ho chu man leh hrem an ni ve ngai lo. Kohhran-ah te thawhlawm tam tak tak an thawh a, dinhmun sang tak tak an chelh \hin. Rukru hausa ho hi zawng kan hlau vek mai a nih hi Kristian ramah hian.
Lone wolf
————–

Mizo hnamah hian chiang ila, kan ram hmasawnna tur hi mahni theihna ang angin kal hlawm ila chuan fakna lam a ri ngun tur hi a ni a. He ramah hian Mizo hnamah inpumkhat mai ila, a ruka mahni hnam bil zawnga kalpuitute pawh hian sim tawh sela, kan Political Party atchilh hote pawh hian Mizo hnam bil hmangin MLA inthlannaah vote zawng tawh suh se.
PH FANAI
—————

Zonet Dingdi aiah Rinna in rawn thlak hi tuman kan hlawkpui lo mai ni lovin awmzia a nei lo. Dingdi khan rawn thlak leh mai teh u.
9089746142

(Dingdi channel chu a la awm reng e, thlak a awm lo)
—————-

Ka ngaihtuah vel mai mai a, tuna kan sorkar hrawn mek hi chuan kan thlarau pawh hi Vanram chu sawi loh hremhmun pawh min hruai thleng lo hian kan thlarau hi leilungah hian a a tham ral mai mai awm mang e tiin ka ngaihtuah a, vawi khat mah Sunday sikul kal ve ngai lo tena an ram kaihhruai dan han hmuh hi chuan a va rualawh thlak em. Tuna kan kal danah hi chuan a zar zo pha leh pha lo kar a zauva, a zar zo pha ve lo ho hi zawng vahmim parawl ang mai hian kan rum kan rum mai zawng a nih hi maw? Hawh u, vai rama in chhawng sang saa, CM escort, mahni Mizo puite sawisak ching thlang tawh lo tur hian i harh ang u.
RODY PA
—————

Sap\awng thumal pakhat ‘environment’ hi Mizo tam berin ‘engvangin nge’ tih lam rik angin kan lam ri tlat. ‘Englaiah nge’ tih rika ri tur a ni si. Lam dik tum ve tawh ila.
LK-a
—————

Congress hian kum 10 ro a rel leh tawh a, beisei tur a awm tawh lo ve. Zu zuar sorkar hi inkhawm \hin ho hian kan la vote duh dawn em?
Asanga pu, Aizawl
—————-

Sihphir pa pahnihin an veng tlangval sawisak thu an tarlan a\ang hian Mizoram CM pahnih mize inan lohzia chiang takin a lo lang leh ta a. An mize in an lohzia hi thil dik tak niin ka hria.
Thlirtu
————–

CM vengtu Police-te kha an huai hmel bawk a, ramri hnaih, misual chet hluarna deuh tura ngaihah dah se, misual pawhin an hlau deuh mahna mawle!
9774354495
————