Fakselna 8th December, 2018

0
136
views

Kan rama ringtu intite hian kan nunphung kan ram inrelbawl dante kan thlir chiang ngai em? Heti hian kan sawi teh ang. Hmanlai kan pi leh pute khan thlarau thianghlim a lo thlen khan zaa sawmkua panga vel zet khan an awih lova, chung thlarau thianghlim changtute chu khua a\angin an hnawt chhuak a. Tin, chung ringtute chuan thil nazawng an lei thei lova, chuvang chuan \henkhatin bahra an lai \hin bawk. Chutiang bawk chu a lo thleng leh ang. Hmanlai nunah khan kan let leh dawn a ang ta khawp mai.

Fela pa, KK

Bairabi Zophai buaiah Pu Hawla’n zirlaite leh chanchinbu mite kutthlaktu ASSAM Police-te Aizawl tlang a\anga na taka a dem ngam kha a huaisenthlak hle mai. Ram mipuite mangan laia Aizawl tlanga awm ngam CM hi kan neih leh kei chu ka ring tawh lo e. Huaisen lawmman dawng tlak inti ve lo maw? |hian chhan thih ngam, mi huaisen tih nen chuan KA HA a ni ringawt a lawm mawle.

RZA Ralte TD

Pu Chhuanliana Zofate tana malsawmna thu leh hlaah i ni a. Hei Fakselna kaltlangin i thu leh hla ka lo hmu a. Ningani tih leh Nilaithawh\an i rawn sawifiah ta a, a lawm awm e. I rawn sawifiah bak hi thu dang tuman sawi zawm tawh lo ila, kan pawm tlangah ka lo ngai mai e.

RENTHLEI CABIN

Thla hmasa niin ka hria a, Mizoram JCB neituten hnamdang Mizorama JCB neite Mizorama hnathawk tawh lo turin an tih kha boruak a reh ta riauva, an thil demand kha hnamdang ho chuan an zawm ta em hriat a chakawm hle mai. Kan ramah hian hnamdang sumdawng leh inhlawhfa ho hi kan dah zalen hle mai a, an duhdan danin rate an insiam a, an thu thuin min dah ni berin a lang. Mizo dawr emaw kan tih hi vai dawr a lo ni zel a, engtik lai pawha vai nghah dawrte hi eng nge maw boruak awm deuh se Mizovin an lo nghak leh vung \hin. Kan rama ngampa lutuk leh lam\ang nei \ha inti fahrana JCB leh zela hna an thawk hi chu umchhuah ngei ngei tur an ni. Hotu lam nen inrem siamna avangin hnathawh tur an hmu thei phian bawk si. Dan dik tak hmanga kan rama hnamdang awmte hi chu huat tur an ni lo a, a dik lova awmte hi chu chhuah tir zel tur. Chu chu kan hnam damna tur a ni.

Ramhmangaiha

Aizawla Taxi khalhtu, a bikin two wheeler khalhtu ho hi hmui tuam an tam riau mai a, an passenger leh midang nena an inkarah engemaw thil fel lo thleng palh pawh awm se, an hmelhmang chhinchhiah theih lohin an intuam tlat mai a, hei hi a fel hlel deuh lo maw? Hmui tuam kher lo hian Taxi khalh tir dan a awm lo maw? Mihring kan hnih-thum ve tawh a, eng eng emaw thleng thut thut thei a ni ve tawh si a?

8837489511

MLA Bazar kan hmabak mekah hian Mizo thinlung dik tak pu lotute chu lei theihin an awm dawn si a, Zoram hi a va khawngaihthlak tak em!

Ramhmangaiha

Kan hunpui chu kan hnaih ta hle mai. Keini ang mi rethei tan chuan buaina a ni ringawt mai. Kan nghahhlelh rualin lungngaihna leh rualawhna a ni. Mi rethei bik awm lova khairualtu tur ram hruaitu Mizoram chuan a mamawh hle a ni. Tuna ram hruaitu tura tling turte pawh hian dik lo taka ram an hruai leh chuan a hma ang tho kan ni ang. Pathian rawn chung zelin ram hruai tawh se. Hleih nei lovin rorel bawk se, kan ram chuan hma a sawn duak duak mai ang.

Marami Kawnpui