Fakselna 8th June, 2019

0
83
views

Kum 2016 hnulama pensioner ten tun thlengin 7th pay an la la thei lo. Eng nge a chhan? Thawktute vuai chauh vang nge, ngaihsak loh vang? Thla 1 a liam tawh.

9862385339

Mizo zinga ka ngaihsan ber te zing ami, mi huaisen nia ka hriat, Pu Lalnunmawia Chuaungo-in MCS tling tharte chawimawina huna Mizo \awng a hmang tluan ngam lo kha kei \halai lungmawl hian hriatthiam har ka van ti em!
Kan mi ngaihsan, \halaitena kan entawn, an ni ang mithiamte tal hi chuan kan \awng hi humhalh hram hram teh se. |halai zawkten theihtawp kan chhuah laia an ni zawkin kan \awng humhalh nachang an hriat loh chuan \hangthar zelah pawh mahni \awng hi hlut nachang kan hre lo mai ang.

9077272850

Hmannia Rangvamual lama SRS te leh tlangval ho chungchangah khan engpawh nise SRS te hi nu ho leh mipui hian kan thlamuanpui a nia. Hei aia chak leh zawk hian kal se sorkar pawhin a theih angin pui zel bawk se kan him tlang a ni mai. SRS \ang fan fan, inhnungah mipui kan awm a nia.
Aizawl Nu

9612907066

Lirthei intlanchhawk ai chuan No Tolerence Week khan traffic jam a tireh daih zawk. Chuvangin nitin hian an indaih phawt chuan traffic lam hi sawi lawk awm lovin duty kual reng se la, traffic jam chu a nep phah viau ang. Tin, garage hi a hmunah check chhin teh se.

8794519384

Pathian rawngbawl ve \hina inngai, tu pawh politic boruaka zuang lut duh chu Pathian hian a kohhran ho tan a hmang zui ngai hauh lo. A chhan chu politic boruak hi inhmangaih tlanga, Pathian rawngbawlna hmun a nih ngai loh vang a ni.

9436754005

Tunlai chhana mi chanchin sawi peih deuh hi chu mi \ha vak lo, mi rilru kawi, misual an ni duh chawk. Mahni vuavang chanchin sawi ngat ngat ho hi chu Pathian \ihna nei miah lo ho tih dan a ni. Mi chanchin hre thei deuh te hi mi dik lo hulhual an ni. Khawvela kan awm chhung hi chuan mi dik famkim kan awm lo, tumah hi inrel inrel loh tur. Pathian \ih mi inti tan chuan thil \ha lo tak a ni.
No. thup

7085210279

AMC-in sorkar pisa leh sikul chawlhni pawh ni lova khawpui chhung thenfai hnatlang a ko hi chu a dik lo khawp mai. A duh chuan thawktute emaw, hlawhfate ruaiin a tihfai tir zawk mai tur a ni. Thawk thei lo te tan phat ngai leh thawk lo leh pha bawk si lo te chu r<n tur a ti pawh hi thil hriatthiam har tak a ni. Pisa leh sikulte chawlh a nih loh avangin thawk hman lo tam tak an awm dawn tih hriat sa reng a ni bawk a, phatna leh r<nna sum lo lut tur hi a thlahlel viau zawk tihna a ni mai lo maw? Hetiang ni-a hnatlang a ko leh a nih chuan phat ngai leh r<n tur ti kher lo hian ko tawh sela a lawmawm ngawt ang. Nitina inhlawhfa chawpa eizawngte tan ngat phei chuan phurrit an siamsak a ni tel bawk.

Azova, Republic VT

7627909600

Central YMA ten Mizo Lengkhawm Zai intihsiakna an buatsaih chu a \hat rualin a buatsaihtute tih chhan, YMA member ten hla sak ngai vak loh te an lo thiam nan a ti a nih hmel a. Mahse, veng \henkhatah chuan MUP member ni awm tak tak, an hla sak pawh zir ngai lova thiamsa an inthlang chhuak emaw tih mai tur. Nge \halai hla zir tur an nei lo zawk? Hetiang hi a awm leh dawn a nih chuan veng tinah hian zir vak ngai lova thiam sa thlana ineltir mai hi a \ha zawk lo maw? Kan \halaiten an hna leh lehkha zir \ul tak te kalsana hla zir ngai lo turin. Tichuan, inelna pawh a khairual zawk ngei ang.

Zohmangaihi pa

9436140319

Vawiin ni, vawiin zan tih fo tak mai chu hnam humhalh kan tih hian kan \awng pawh hi a huam tel tih hriat a \ha hle. Kan officer liante leh kan NGO hruaitu liante kha fimkhur teh u. Kohhran Upate pawh \hangthar te \awng dik lo kan zirtir a ni tih hre teh u. Media-ah inlang tamin thu in sawi ngun si fimkhur hram teh u.

Naupangchhia

9774107349

Vanglaini Rev. Chuau\huama huang khan rilru a va khawih em. Buhchangphai tleirawl Lalduhawma IAS nih tum, kumin HSSLC Exam-a science-a pahnihna, sum harsatna tawk mek, zir zawm duh si chungchang a rawn tlaangaupui hi a va fakawm em. Mi hausa/thilphalte malsawmna dawng ngei se ka va ti tak em. Kan sorkar hruaitute pawh hian he tleirawl tumruh tak mai tan hian tihsak nei ve se ka va ti em. Ram leh hnam tan lehkha zir zel a duh ka ti lo thei lo.

9089243038

No Tolerence hi kum tluanin kan sorkar chak tak hian hmang rawh se Traffic jam free chu a ni mai.
ZRTA- ZK

9615445637

LADC Lawngtlai East Bye Election neih leh tum mek chu a \ul dana inher rem zel thei Pu Duhoma te leh Saipui kallai inti te hian derna anka biahthu nemten inhlanin an Campaign dun leh dawn em? I lo thlir leh phawt mai teh ang aw!
Tlabung Uitangrual

9862014844

Pu Ramte, Bazara Ramhlun, Ramthar, Bethlehem leh ITI line bus dinna te, KD Elementary School bul leh Police R<n bul vela two wheeler double parking te hian traffic jam a thlen nasat bakah kawngpui chep lutuk avanga tawhsual tawkte pawh an awm fo hi rawn siksawi thei la a va lawmawm dawn ve. Helai hmunah hian Parking lot \ha ve reng ruang chu siam a ngai a ni. Police R<n te sak \hat a, a kawng ^n chin tal hi parking lot-a siam atan a va itawm tiu teu ve.

Mala, Aizawl

Pu Ramte, Reiek tlang panna motor kawng i siam dawn a nih rau rau chuan a awlsam leh zual nan helicopter \um hmun siam law law la.
Sawmsawmi Pu

7005678161

ZONET ARSI LIAN LEH ENG TAK Pu RK Lianzuala leh Pu Laldingliana Sailo ten chatuan ram min pansan ta luah luah mai chu a va khawhar thlakin a lunglenthlak mang e. Zonet an ti chul ruai mai!!

RK Sanga