Minister thar ruat chungchangah Pathian nung tih loh chu tumah rawn lo- Pu Lal Thanhawla

0
322
views

CM, Pu Lal Thanhawla’n Minister thar a ruat chungchangah Pathian nung tih loh chu tumah a rawn lo tih vawiina Congress Bhavan-a an party political session-ah a sawi a, MNF sorkar khan miretheite chan ai an ei nasa a, an thisen zawmpui leh chhungkhat laina te an vulh nasa lutuk a, an PHE Minister fapa khan tui metre zawng zawng a supply vek hial a ni awm a. An CM nau-in Tuirial HEP compensation a la \euh bawk a ni, a ti a. Ram ro tling, \umhmun leh tui leh eng lak thlengin, hmasawnna ruhrel lian zawng zawng siam ve party dang sawi tur hria an awm a rin loh thu sawiin, MNF sorkar khan Aizawl Water Supply Scheme Phase II kha hmantlak mang lohvin an chhuah a, Congress sorkar hnu-ah PHE Minister \an lakna-in sum tam tak sengin kan chei \ha leh thei chauh a ni, a ti bawk.

Pu Lal Thanhawla chuan MNF miten amah hmu-a CBI a koh luh ngam leh ngam loh an zawhin, a ngamzia a lo hrilh nia sawiin, 1999 a\angin Lottery kan chhui teltir ang a, an hotupa in an dap thuta cheng nuai 800 chuang an mante nen chhui vek law law ila ti-a a lo chhan hnuah an reh ta vang vang niin a sawi a. An duh tak tak a nih chuan Pu Zodintluanga’n MNF party chanchinbu thuchhuak avanga a khing ang hian an ti ve mai tur nia sawiin, CBI koh luh hi an hlauh viau chuan kan chhuitir lo mai ang a ti bawk.

CM Political Adviser thar, Pu Lalrinmawia Ralte chuan a hna a la zawm loh thu leh, he nihna a\ang hian hlawh leh ham\hatna, petrol far khat takngial pawh a la dawn lo niin a sawi a, BJP Mizoram Pradesh-in MLA atanga bang tura an tih chungchang chu dan lam thiamten an la rawn sawifiah dawn nia sawiin, dan kalha hmathatna dawn tur chi a duh loh thu leh, dan kalh thei ham\hatna tel lova hnathawh a tum thu a sawi bawk. He inkhawmah hian Minister of State thar, Pu K.S. Thanga pawhin thu a sawi a, inkhawm hi Pu Hmingdailova Khiangte-in a kaihruai a ni.