Mizoram Peoples Party din thu puang

0
533
views

Vawiin khan Aizawl Press Club-ah Zoram hmangaihtu pawl leh Revolutionary Democratic Party hruaittuten inchhun fina party thar, Mizoram Peoples Party an din thu an puang. Hemi chungchangah hian an pawl President ruat lailawk, Pu C Lal\anpuia chuan, Zoram Hmangaihtu Pawl leh Revolutionary Democratic Party hjian an pawl ve ve chu \hiatin tuna pawl thar hi an din ta niin thuthar la khawmtute a hrilh a, pawl hruaitu tur pawh ruat lailawk phawt an nih thu sawiin, President-ah C. Lal\anpuia, Senior Vice President-ah AMC Executive Councillor hlui, Pi Hmingthanzami, Vice President-ah Vanlalhuma Kawlni, Treasurer-ah Isak Hmar, General Secretary-ah C. Lalthanmawia, Secretary-ah Lalnunchhara leh mi dang engemawzat an inruat thu leh, General Assembly an neih hunah hruaitu nghet tur an thlan tur thu a sawi. Pu C Lal\anpuia chuan, an party chu pawl dang leh party dangte aiin a danglam dawn niin a sawi a, Party President, mi dangin chuh ve theih lo ang maia pawl danga awm \hin ang an nih ve dawn loh thu te, an Party President leh Chief Minister nih kawp a theih ve dawn loh thu te, Chief Minister chu a ngai rengin chelh lovin, thlan chhuah \hin a nih tur thu leh a ngaiin term hnih bak a chelh theih loh tur thu a sawi. Pu C Lal\anpuia chuan, an party innghahna atan ‘Ram chu Lalpa ta a ni’ tih leh au hla atan ‘I ram lo thleng rawh se’ tih an hmang dawn niin a sawi a, Pathian lal ram din an tum thu sawiin, hlemhletna tel lo sorkar siama, Zoramah retheihna um bo an tum niin an sawi. Zoram Peoples Movement an zawm loh chhan chu party \hiata pawl pakhata inchhun fin vek an duhna ZPM hian an pawm theih loh vang niin Pu C. Lal\anpuia chuan a sawi a, nakkum Assembly inthlanpui neih tur pawh chuh ngei an tum thu a sawi bawk.