– Breaking News – Bairabi Zophai Ramri Buaina

0
2933
views

Zonet News LIVE UPDATE

HNAM HNATLAN HUN SAWN

March ni 14-a Zofate Chawlhbuk sa tura Hnam Hnatlang neih tum chu, thil tha zawk beiseiin sawn rih a ni.

Zofate Chawlhbuk sak tum chungchangah hian, MZP-in hnatlan ngei a tum laiin hnatlang rih lo tura ngenna a dawng nual a, March ni 13 (Thawhlehni)-ah phei chuan kan tlawmngai pawl unaute- Central YMA, MUP, MHIP leh MSU te meuhin thil tha lo pumpelhna a nih beiseiin a hun hi sawn rih turin MZP an ngen tawh. A zanah Mizoram chief minister leh home minister te’n MZP an ngen bawk a, Mizoram Kohhran Hruaitute Committee (MKHC) pawhin Zofate Chawlhbuk sa rih lo turin an ngen bawk. Kil hrang hrang atangin mi hrang hrangin MZP hi an ngen a, thisen chhuah a hnai nia ngaia hlauthawng pawh thahnem tak an awm tih hriat a ni.

Chuti chungin MZP chu a dinna ngaiah a ding zui tho a, amaherawhchu, March ni 13 tlai leh zan lama thil thlen dan enin hmanhmawh takin zanlai dar 12-ah MZP Executive Meeting neih niin, thil tha zawk beisei vangin a hun sawn a rel ta a ni.

March ni 13 tlai lamah union home secretary-in state pahnih chief secretary-te ve ve March ni 20-a inbe tura a tih thu hriat a ni a, kan hma lawkah state pahnih an inbe dawn chunga lo chet hi khawvel mitah a mawi lo thei a, Mizoram tan a tha lo thei ang tih ngaihdan te a awm. Hei hi mi tam takin a hun sawn tura MZP an ngen chhan pakhat pawh a ni. Tin, hemi ni hian tlai tawh takah Kolasib District pumah Cr.PC 144 an puang a, a zanah, office ban hnuah Aizawlah pawh Cr.PC 144 an puang ve leh. Aizawl leh Kolasib district-ah mi panga aia tam awmkhawm khapna dan an puang hi Zofate Chawlhbuk sak tumna tinzawn rana tih a ni tih a chiang a, MZP chuan hei hi na a ti hle. Cr.PC 144 puan avangin hnatlang tura thawkchhuakte leh Mizoram Police an innek dawn tihna a ni a, Mizo leh Mizo inbeihna thlen phah ta se, chu chu MZP duh dan a ni lo.

MZP-in kha chen Zofate Chawlhbuk a buaipui lai khan sorkar hotute’n an dawr lo a, March ni 13-ah NGO te, MKHC te, political party aiawhte chief minister-in a kawm pawhin Bairabi Zophai-ah police an inrintir thu a la sawi laiin hnatlang tura MZP kal turte dan nan Cr.PC 144 an puang leh si hi MZP chuan mak a ti hle.

Zophai-a police inring renga awmte’n hnatlan hun an nghak kher hi MZP duhsaktute ngaih titha lotu a ni a, Mizoram sorkar hian ramri vei lova puh an nih vanga an hmingchhiatna khuh nan, silai hmeh puah chhuanlam atan Hnam Hnatlang hman a tum nia ngai an awm a ni.

Hnam Hnatlang neih dawnah tak Cr.PC 144 puanga MZP tihthuanawp tum a nih avang leh ramri vei tura Mizoram sorkar koh eih tumin MZP chuan total bandh huaihawt a tum a ni.

Ram humhalh tuma MZP hmalakna thlawpa tha leh sum senga puitute chungah lawmthu kan sawi a, thawhho zel pawh MZP chuan a beisei a ni.

Sd/-
(LALNUNMAWIA PAUTU)
General secretary

 

  • 3:21am: MZP thukhawm chuan NGO coordination committee leh kohhran hruaitute ngenna a zahawm an ti a, hei vang hian March 14-a chawlhbuk sak an tum chu \hulh rih a ni a, March 20-a state pahnih sorkar inbiakna nghah nise an ti.


  • 1:44am: CYMA-in Chawlhbuk sak thulh tura a ngenna ngaihtuahin MZP an thukhawm mek a, thu mumal ala awm thei lo. An thuchhuak ngaihchan mek ala ni.

  • 12:39am: Naktuka Zofate Chawlhbuk sak an tum chu \hulh rih turin CYMA in MZP a ngen a, MZP ten an office ah CYMA ngenna hi an ngaihtuah mek.


  • Aizawl veng hrang hranga hnamdang hnathawk cheng mekte Bus leh Sumo hire-in Mizoram an chhuahsan nasa hle.

  • Deputy Inspector-General of Police, Lalbiakthanga Khiangte-in SP Kolasib hnena in report turin 1st Bn MAP, 3rd Bn MAP leh 5th IR Bn a\angin Platoon khat \heuh ralthuam nen a tir.

  • Aizawl District Magistrate, Dr. A. Muthamma-a’n Aizawl khawpui leh a chhehvela mi 5 emaw, a aia tam emaw punkhawm leh Zophaia chawlhbuk sa tura Kolasib emaw, Bairabi emaw pan a khap.


  • Mizoram leh Assam ramri buaina Union Home Secretary Chairman-na hnuaiah tun thla ni 20, tlai lam dar 4-ah Room 113, North Block, New Delhi-ah sawiho turin Ministry of Home Affairs chuan a ti.

  • Union Home Minister, Pu Rajnath Singh-a’n ramri chungchang buaina, Mizoram leh Assam Chief Secretary-te sawipui turin Union Home Secretary a ruat a, CM Pu Lal Thanhawla lehkha a thawnah buaina chhuak tur veng tur leh, ramri buaina tharum telloa chingfel tur leh Bairabi-a mipui punkhawm khap turin a ti.