Citizenship (Amendment) Bill hi a taka hman a nih chuan Mizoram chu a tuar nasa ber a ni tih sawiin, he thil hi na zawka dodal a nih theih nan tuna United India movement lo pianga \hahnemngai taka tel chu an tih tura an ngaih thu Pu Lalduhoma chuan a sawi.
ZPM Legislature Party Leader, Pu Lalduhoma hian tun hnaia Kolkata-a United India Rally neih a nih \um a sawm an nih anga ZPM MLA, Pu Andrew H. Thangliana nen an tel chungchang thuthar lakhawmtute a hrilhfiah a, he rally huaihawttu West Bengal Chief Minister, Pi Mamata Banerjee chu Mizoram harsatna leh an buaina chungchang uluk takin an hrilhfiah tih sawiin, an harsatnate a hriatchianpui a, hei hi sutkian sak a tiam tih sawiin, Pi Mamata Banerjee chu Prime Minister nimai tura rinkai ber a ni chho mek a, a ni nena inlaichinna \ha siam chu ZPM chuan \ha a ti a, Sorkar laipui Politics-ah ZPM chuan a lailum a chan zel theih nan theihtawp chhuaha hmalak zel an tum tih sawiin, kumina Mizoramin Lok Sabha inthlanpui a hmachhawn turah pawh hnehna an chang a nih chuan Central Minister neih ngei an inbeisei tih Pu Lalduhoma chuan a sawi a ni.
