Sawihonaah hian a kaihhnawih sorkar thuneitute bakah Mizoram Consumers’ Union leh Cable Telelvision Operators aiawhte an tel a, Minister Pu K.Lalrinliana chuan sorkar laipuia Telecom Regulatory Authority of India (TRAI)-in February ni 1, a\anga Cable TV leh DTH Operator zawng zawngten fee an lak dan tur ruahmanna thar a siam chu hman vek tur a nih thu a sawi a, he dan thar hnuaiah hian mipuiten an chanvo dik tak an chan theih nan hmalak zel tum a ni, a ti. TRAI ruahmanna tharte chu a dik thei ang bera, mipuite tana phurrit siam belh chuang lova kalpui a nih theih nan sorkar leh Consumers’ Union leh Cable TV Operator te \ha taka an thawho a ngai tih sawiin, mipui tana theihtawp chhuah turin kalkhawmte a chah a ni.
Meeting-ah hian Consumers’ Union President Pu Chawngsailova’n TRAI dan tharte tarlangin Mizoramah a dik theih ang bera hman nise an duh thu a sawi a. LPS leh ZONET Cable TV aiawhten Mizorama an hmalak tawhna leh hmalak mekte an sawifiah bawk a ni.
