Australia Prime Minister Malcolm Turnbull chu inhnuhdawh mai ngai tur dinhmunah a ding ta a, a kaihhruai sorkar rin tawk lohna boruak a lian chho zel.

0
600
views

 

Party hruaitu langsar zualin Trunbull hi thlak an duh a, an party, Liberal Party chhunga amah thlak tumtute chuan thlawptu an ngah tawk anih chuan hruaitu nih zui a tum loh tur thu a sawi a, buaina chingfel tur hian sorkar chuan parliament dinglai chu a titawp lailawk a ni. Turnbull chuan Australia chanchinbumite kawmin naktukah party hruaitute intawhkhawm a ko tih a sawi a, hetah hian MP thlawptu a ngah tawk em tih fiah a ni ang. Amah thlak tumtu Peter Dutton chuan MP tam zawk hmingziakna lehkha a nei tih sawiin, Turnbull chu a inhnukdawk dawn niin a sawi. Turnbull hian mipui rin a hlawh zo ta chiah lo a, tunhnaia an ram inthlannaah an party in an hloh chho zauh zauh bawk a, a policy \henkhat pawhin party mite sawisel a hlawh a ni.